යාපනය පුංකුඩුතිව්හි පාසල් සිසුවියක කෙළෙසා මරා දැමීයැයි කියන සැකකරුවෝ දොලොස් දෙනා ලබන නව වැනිදා තෙක් යළි රිමාන්ඩ් කරන ලෙස කයිට්ස් මහේස්ත්‍රාත් මොහොමඩ් රියාල් මහතා අද (22) නියෝග කළේය.

2015 මැයි මස 13 වැනිදා දැරිය ඝාතන කර තිබුණු අතර ජූලි මාසයේ සිටි සැකකරුවෝ රිමාන්ඩ් බාරයේ පසු වෙති.

 සැකකරුවන්ට ඇප ලබා දෙන ලෙස සැකකරුවන්ගේ නීතීඥවරුන් කළ ඉල්ලීම ප්‍රතික්‍ෂේප කළ මහේස්ත්‍රාත්වරයා පැවසුවේ රට තුල දැඩි ආන්දෝලනයකට තුඩු දුන් මෙම සිද්ධියේ සැකරකුවන්ට ඇප ලබා දිය නොහැකි බවයි. ඔවුන් වෙනුවෙන් ඇප අවශ්‍ය නම් මහාධිකරණයට යන ලෙස මහේස්ත්‍රාත් කීවේය.

එම සිසුවියගේ මවට තර්ජනය කළැයි කියන සිද්ධියක් සම්බන්ධයෙන් අත්අඩංගුවට ගෙන මීට සති දෙකකට පෙර රිමාන්ඩ් කැරුණු කාන්තාවන් දෙදෙනකු ලබන නව වැනිදා තෙක් රිමාන්ඩ් කරන ලෙස කයිට්ස් අතිරේක මහේස්ත්‍රාත් ජීවරානි මහත්මිය අද නියෝග කළාය.

ප්‍රධාන නඩුවේ සැකකරුවන් දෙදෙනකු වන ස්විස් කුමාරගේ සහ දුසාන්තගේ මව්වරුන් දෙදෙනා එලෙස රිමාන්ඩ් කරනු ලැබූහ.