(ඩිල්ෂානි චතුරිකා දාබරේ)

කොරෝනා වසංගත තත්වය හමුවේ රාජකාරී කටයුතු වෙනුවෙන් සිය සේවාස්ථානයට පැමිණෙන පාරිභෝගිකයන් වෙනුවෙන් විශේෂ පියවර කිහිපයක් අනුගමනය කරන බව ශ්‍රී ලංකා විදුලි සංදේශ නියාමන කොමිෂන් සභාව නිවේදනයක් නිකුත් කරමින් පවසයි.

පාරිභෝගිකයන් 1900 යන දුරකතන අංකය අමතා, කලින් වෙන්කරගත් දින වේලාවන් අනුව එහි පැමිණිය යුතු බවද, දුරකතන මාර්ග ඔස්සේ මෙන්ම අන්තර්ජාලය ඔස්සේ ද පාරිභෝගික ගැටලුවලට විසඳුම් ලබාදීමට ක්‍රියාත්මකව සිටින බවද, එම කොමිෂන් සභාව සඳහන් කරයි.

වසංගත තත්වය හමුවේ සේවාලාභීන්ගේ මෙන්ම කාර්ය මණ්ඩලයේද උපරිම ආරක්ෂාව සහතික කිරීම සඳහා මෙම ක්‍රියා පටිපාටිය ක්‍රියාත්මක කෙරේ.

මාර්තු මාසයේදී සක්‍රිය කර ඇති සිය සේවා ඉල්ලීම් සඳහා වන පහත දැක්වෙන විද්‍යුත් තැපෑල පාරිභෝගික ජනයාට දිගටම භාවිත කිරීමේ හැකියාව පවතී.

[email protected]  -   බලපත්‍රලාභී, ලියාපදිංචි වු අලෙවිකරුවන් සඳහා අවශ්‍ය සේවා ඉල්ලීම් වෙනුවෙන් භාවිතා කළහැකිය.
[email protected]   -  පෞද්ගලිකව ගෙන්වන උපකරණ නිෂ්කාශන කරගැනීමට කෙරෙන ඉල්ලීම් ආදිය සඳහා භාවිතා කළහැකිය
[email protected]   -  පැමිණිලිකිරීම්, සේවා අවශ්‍යතා හෝ පැහැදිලි කරගැනීම් සඳහා

සේවාවන් සම්බන්ධයෙන් වන පැමිණිලි සඳහා [email protected] විද්‍යුත් තැපෑල භාවිතා කළ හැකි බවද  ශ්‍රී ලංකා විදුලි සංදේශ නියාමන කොමිෂන් සභාව  වැඩිදුරටත් පවසයි.