මැතිසබේ ඉන්න මැති ඇමැතිතුමන්ලට ආයුර්වේද සම්බාහනේ දෙන්න ආයතනයක් ක්‍රියාත්මකයි. මේක දැන් හුඟකාලෙක ඉඳන් පැවතුණත් වඩාත් ජනප්‍රිය වුණෙත් මෑතකාලෙ ඉඳලලු...

පසුගිය දවසක මැතිසබේ පසුපෙළ ඉන්න විපක්‍ෂයෙ මන්ත්‍රී සයිස් මහත්තුරැ දෙතුන් දෙනෙක් මේ සම්බාහන ආයතනෙන් වැඩිපුරම සම්බාහනේ ගන්න යන්නෙ කව්ද කියල පොඩි සොයා බැලීමක් කළාලු. ඒ සොයා බැලීම ගැන ගිය සතියෙ පාර්ලිමේන්තුව තිබුණ අන්තිම දවසෙ මැතිසබා ලොබියෙදි පොඩි කතාබහක් ඇතිවුණා...

"ඔයා දන්නවද වැඩිපුරම ඔය සම්බාහනේට යන්නෙ කව්ද කියල..." එක මන්ත්‍රී සයිස් මහත්තයෙක් ඇහුව.. "නැහැ. ඔයා දන්නව නම් කියන්නකො අපටත් දැනගන්න?. "අනෙකා කිව්ව.

"අරය අරය.. අර දකුණු පළාතෙ අහවල් ඇමැතිතුමා තමයි වැඩිපුරම සම්බාහනේ ගන්නෙ. ඊළඟට කොළඹ අර හැඩ වැඩ උප ඇමැතිතුමත් නිතරම යනව.. ඔය මං කිව්ව ඇමැතිතුමා නම් ලස්සන වෙන්න පුල් ට්‍රයිලු.. ඒ නිසා එක කාලෙක කවුන්සිලේ රුස්වුණ මාසෙ හැම දවසකම සම්බාහනේ ගත්තලු."

කරැණු සොයාගත්ත මන්ත්‍රිතුමා තමන්ගෙ සමීක්ෂණ ප්‍රතිඵල කිව්ව. "ඉතින් ඒකෙ වරදක් තියෙනවය...." මන්ත්‍රි සගය නැවතත් කිව්වා. "ඔව් ඔව් කිසි වරදක් නැහැ." සමීක්ෂක තුමා නැවත කීවා.