සන්ඩේ ලීඩර් පුවත්පතේ හිටපු කර්තෘ ලසන්ත වික්‍රමතුංග මහතාගේ ඝාතනය සම්බන්ධයෙන් එවකට යුද හමුදාපතිවරයා ව සිටි වත්මන් ඇමැති ෆීල්ඩ් මාර්ෂල් සරත් ෆොන්සේකා මහතාගෙන් රහස් පොලිසිය ප්‍රකාශයක් සටහන් කර ගත්තේය.

පැය පහකට ආසන්න කාලයක් ප්‍රකාශ සටහන් කර ගත් බව ඉහළ පෙළේ ආරංචි මාර්ග කියයි.
 
2008 ජනවාරි අට වැනිදා කොළඹ අධිආරක්ෂිත කලාපයක් තුළදී ලසන්ත වික්‍රමතුංග මහතා මරා දමා තිබිණි. ඝාතනය සම්බන්ධයෙන් මෙතෙක් කිසිවකු අත්අඩංගුවට ගෙන නැති අතර ඝාතනයේ සාක්කිකරුවකුට තර්ජනය කළැයි අත්අඩංගුවට ගත් පුද්ගලයෙක් ඇප මත සිටී.