(ලක්මි කුඩලිගම)

අගලවත්ත ධාර්ටන්පීල්ඩ් පාරේ විදුලි පද්ධතියේ ඇතිවූ කාර්මික දෝෂයක්  අලුත්වැඩියාවට පැමිණි විදුලි සේවකයන්ට සහ ඔවුන් පැමිණි නිල රථයට ගලකින් පහර දීමට උස්සාහ කළ පුද්ගලයකු ඉකුත්දා අත්අඩංගුවට ගත් බව අගලවත්ත පොලිසිය පවසයි.

අගලවත්ත ප්‍රාදේශීය විදුලිබල මණ්ඩලයේ සේවකයන් පිරිසකට  තොපි ලයිට් බිල වැඩි කරලා කියා විදුලි සේවකයන්ට සහ ඔවුන් පැමිණි නිල රථයට ගල් ගෙඩියකින් පහර දීමට උස්සාහ කර තිබේ.

වහා ක්‍රියාත්මක වූ විදුලි සේවකයන් මේ පිළිබදව අගලවත්ත පොලිස්ථානයට පැමිණිලි කිරීමෙන් පසු අගලවත්ත පොලිස් ස්ථානාධිපති පොලිස් පරික්ෂක තරිඳු හෙට්ටිආරච්චි මහතා තම නිලධාරින් සමග ගොස් අගලවත්ත ධාර්ටන්පීල්ඩ් පාර ප්‍රදේශයේම පදිංච් සැකකරු අත්අඩංගුවට ගෙන ඇති අතර ඒ පිළිබඳව ඔහුගෙන් කළ විමර්ශනයකින් අනතුරුව සැකකරු මතුගම මහේස්ත්‍රාත් අධිකරණය වෙත ඉදිරිපත් කිරීමට කටයුතු කළ බව කීය.