කොළඹ ගාලු මුවරදොර වරාය නගරයේ ඉදි කිරීමට නියමිතව තිබූ ලැම්බෝගිනි ධාවන පථය ඉවත් කළ බවත්, ඉඩම සින්නක්කරව චීනයට ලබා දීමට මීට පෙර තීබූ තීරණය ඉවත් කර අනූනව අවුරුදු බදු ක්‍රමයට ලබා දීමට තීරණය වූ බවත් වැඩබලන මුදල් ඇමැති ලක්ෂ්මන් යාපා අබේවර්ධන මහතා පැවසීය.

ඔහු මේ බව පැවසුවේ අද පැවැති මාධ්‍ය හමුවකදී මාධ්‍යවේදියකු නැගූ ප්‍රශ්නයකට පිළිතුරු ලෙසිනි.

වරාය නගරය නැවත ඇරඹන ලෙස අදාළ සමාගමට දැනුම් දුන් බවත්, වසරක් පමණ එය නවත්වා තැබීමෙන් වූ පාඩුව ඉල්ලා ඇති බවත්, ඒ ගැන අගමැතිවරයා සිය චීන සංචාරයේදී සාකච්ඡා කරන සහනයක් ගනු ඇති බවත් රාජ්‍ය ව්‍යවසාය සංවර්ධන නියෝජ්‍ය ඇමැති ඉරාන් වික්‍රමරත්න මහතා කීවේය.

ප්‍රශ්නය - එජාපය බලයට එන්න පෙර ෆොර්ට්සිටියට චෝදනා කළා. දැන් එය යළි අරඹන්නේ කොහොමද?

පිළිතුර - මේ සම්බන්ධයෙන් පරිසරවේදින් ඇතුළු බොහෝ දෙනකුගේ විරෝධතාවක් තිබුණා. පරිසර බලපෑම් තක්සේරු වාර්තාව ලබා ගත් ආකාරය ගැන ගැටළු තිබුණා. අපි බලයට ඇවිත් තාවකාලිකව මෙය නැවැත්තුවා. එදා අපි ගත් තීරණය හරි. නැවතත් පරිසර බලපෑම් සම්බන්ධයෙන් පරීක්ෂා කර වාර්තා කැඳෙව්වා. ඒ අනුව දැන් යළි අරම්භ කරන්න තීරණය කර තිබේනවා. අද අපි ගත් තීරණයත් හරි. ‘‘ යි වික්‍රමරත්න මහතා කීවේය.

IMG_6372 lll