(ලහිරු හර්ෂණ සහ මනෝප්‍රිය ගුණසේකර)
 
ලිට්‍රෝ ගෑස් සමාගමට අයත් රුපියල් මිලියන 500ක මුදලක් සාවද්‍ය පරිහරණය කළ බවට ස්ථිර ත්‍රිපුද්ගල මහාධිකරණය හමුවේ නීතිපතිවරයා පැවරු නඩුවෙන් හිටපු ජනපති කාර්යය මණ්ඩල ප්‍රධානී ගාමිණී සේදර සෙනරත් මහතා ඇතුළු විත්තිකරුවන් තිදෙනා නිදොස් කොට නිදහස් කිරීමට මහාධිකරණ නියෝග කළේය.
 
සම්පත් අබේරත්න (සභාපති) , සම්පත් විජේරත්න හා චම්පා ජානකී රාජරත්න මහත්ම මහත්මීන්ගෙන් සැදුම්ලත් ත්‍රිපුද්ගල විනිසුරු මඬුල්ල තීරණය කළේ විත්තිකරුවන්ට එරෙහි චෝදනා පැමිණිල්ලෙන් සාධාරණ සැකයෙන් ඔබ්බට ඔප්පු කිරීමට අපොහොසත්වී ඇති බවයි.
 
ඒ අනුව හිටපු ජනපති කාර්යය මණ්ඩල ප්‍රධානී හා ලිට්‍රෝ ගෑස් සමාගමේ හිටපු සභාපති ගාමිණී ‍සේදර සෙනරත්, පියදාස කුඩාබාලගේ සහ කොක්කාවිට ලියනගේ ලසන්ත බණ්ඩාර යන විත්තිකරුවෝ නිදොස්කොට නිදහස් කරනු ලැබූහ.

ඡායාරූප - ළහිරු හර්ෂණ