ලක්ෂ ගණනක භාණ්ඩවලට විද්ද කුඩ්ඩෙක් මාට්ටු

(ලක්මි කුඩලිගම)

යතුරු පැදි දෙකක් පාපැදි පහක් ඇතුලු රුපියල් ගණනක් වටිනා ගෟහ උපකරණ රැසක් සොරකම් කර පොලිසියට කට්ටි පනිමින් සිටි පුද්ගලයකු බුලත්සිංහල මොරවකවත්ත කැලෑවේ වාඩියක සැඟවී සිටියදි  අත්අඩංගුවට ගත් බව බුලත්සිංහල පොලිසිය පවසයි.

මෙසේ අත්අඩංගුවට ගෙන ඇත්තේ බුලත්සිංහල පරගොඩ මෝල්කාව ප්‍රදේශයේ පදිංචි වයස අවුරුදු 40ක් පමණවූ දෙදරු පියෙකි.

මොහු කළක් සමාජයේ හොඳ පුද්ගලයකු වශයෙන් ජීවත්වී ඇති අතර පසුව මත්ද්‍රව්‍යවලට ඇබ්බැහි වීම හේතුවෙන් මෙම සොරකම් සිදුකර ඇතැයි පොලිසිය පැවසීය.

ඔහු විසින් සොරකම් කර ඇති භාණ්ඩ අතර යතුරු පැදි දෙකක්, පාපැදි පහක්, කොම්පෙෂර් එකක්, වතුර මෝටරයක්, ත්‍රිරෝද රථ බැටරියක්, ගෑස් සිලින්ඩර දෙකක් සහ දුම්ගැසූ රබර් සීට් තොගයක් වන අතර ඔහු විසින් එම භාණ්ඩ බදුරලිය ප්‍රදේශයට උගස් කර තිබියදී පොලිසිය සොයාගෙන තිබේ.