තම ස්වාමියාගේ නිවසින් ඩිරාම් පනස්දහසක් (රුපියල් 1781825) වටිනා රන් ආභරණ සොරකම් කළ ශී‍්‍ර ලංකා ගෘහසේවිකාවකට ඩුබායි අපරාධ අධිකරණය මාස 3 ක සිරදඬුවමක් පැනවූවේය.

සිර දඬුවම අවසානයේ ඇය වහාම ශී‍්‍රලංකාවට පිටත්කර හරින්නැයිද නියෝග කෙරිණි.

ඇයගේ ස්වාමියා පැවසූයේ නිවසේ වැඩකටයුතු සදහාත් අසනීපයෙන් සිටින තම මව බලාකියා ගැනීම සදහාත් මේ සේවිකාව බඳවා ගත් බවයි.

මාස 3 ක් තම නිවසේ රැුකියාව කළ ඇය එක්වනම අතුරදන්වූ බවත් ඇය ගැන සැක ඉපිදවූ තමා කළ පරික්ෂාවකදී තම සොහොයුරියගේ රන් ආභරණ කිසියම් පුද්ගලයෙකු සොරාගෙන ගොස් ඇතැයි හෙළිවූ බවත් ඔහුගේ ප‍්‍රකාශයේ දැක්වේ.

අත්අඩංගුවට ගත් ගෘහසේවිකාව සමග සොරකම් කරන ලද ආභරණ වලින් කොටස්ද සොයාගැනීමට පොලිසියට හැකිව තිබේ.

තම ස්වාමියාට අයත් ආභරණ සොරාගත් බව ඇය පිළිගෙනද ඇත.