වත්මන් රජය සෑම වෘත්තියකම ගෞරවය ආරක්ෂා කරන බවත්, ශ්‍රී ලංකා නිදහස් ගුරු සංගම සවිබල ගැන්වීම හා නව සේවා ව්‍යවස්ථාව ගැන ගුරුවරුන් දැනුම්වත් කිරීමෙන් ලංකා ගුරු සංගමයේ සාමාජිකයන් අඩුවෙතියි එහි ලේකම් බියවී ඇති බව පෙනෙන බවත් බස්නාහිර පළාත් ප්‍රධාන ඇමැති ප්‍රසන්න රණතුංග මහතා කියයි.

ආයතන සංග්‍රහය අනුව වෘත්තීය සමිති හෝ සම්මේලන මගින් සංවිධානය කරන පුහුණු පාඨමාලා හෝ වැඩමුළුවලට සහභාගී වන නිලධාරීන්ට රාජකාරි නිවාඩු ලබා දිය හැකි බව ද, යමකු නිවැරදි කණ්ඩායමට එකතු වන විට වැරදි කණ්ඩායම අතහරින බව ද, එවිට වැරදි කණ්ඩායමේ නායකයන් බියට පත් වන බව ද , ලංකා ගුරු සංගමයට ඇත්තේ එවැනි බියක් බව ද රණතුංග මහතා පවසයි.

ලංකා ගුරු සංගමයේ චෝදනාව ගැන කලබල නොවන තමා ඔවුන් ගැන අනුකම්පා කරන බව ද ඔහු කියයි.

බස්නාහිර ගුරුවරුන් දේශපාලන වඩට යොදා ගනිතියි ලංකා ගුරු සංගමය අද නිවේදනයක් නිකුත් කළේය.