රිය අනතුරින් මව මරුට පුතා රෝහලට

(ලක්මි කුඩලිගම)

අනුරාධපුරයට ගොස් නිවසට එද්දී බුලත්සිංහල නගරයේ දී යතුරු පැදිය නවතා තිබූ බස් රථයක ගැටී මව මියගොස් පුතා බරපතල තුවාල ලබා රෝහල් ගත කළ බව බුලත්සිංහල පොලිසිය පවසයි.

මෙසේ මියගොස් ඇත්තේ බදුරලිය මගුර, නුගවෙල කන්ද යන ලිපිනයේ පදිංචි මිරිහේන කම්කානම්ගේ චන්ද්‍රාවති නැමැති 69 හැවිරිදි කාන්තාවකි.

ඇය තම වැඩිමල් පුත් සමග යතුරු පැදියකින් අනුරාධපුර පැවති පිච්ච මල් පූජාවකට සහභාගී වී පසු දින එම යතුරු පැදියෙන් නිවස බලා එද්දී උදෑසන බුලත්සිංහල හොරණ මාර්ගයේ අයිනක නතර කර තිබූ බස් රථයක යතුරු පැදිය ගැටීමෙන් ඒම අනතුර සිදුව ඇත.

පුතා බරපතල තුවාල හේතුවෙන් බුලත්සිංහල රෝහලට ඇතුළත් කිරීමෙන් පසු වැඩි දුර ප්‍රතිකාර සඳහා කොළඹ ජාතික රෝහලට ඇතුළත් කර ඇතැයි පොලිසිය පැවසීය.

අදහස් (2)

රිය අනතුරින් මව මරුට පුතා රෝහලට

අහිංසක Tuesday, 08 August 2023 01:24 PM

ඇත්තටම රටේ යතුරු පැදි අනතුරු කොපමණ අහන්න ලැබෙනවාද කියලා දැක්කාම හරිම දුකක් ඇතිවෙනවා.. තමන්ගේ මවත් සමග අනුරාධපුර ගොස් එද්දී බසයක හැපිලා තියෙන්නේ අධික වෙහෙස නිසා කියලා හිතෙනවා... සාමාන්‍යයෙන් ලංකාවේ එහෙම දුරක් යතුරු පැදියකින් යාම සුදුසු නැහැ රජයේ සේවකයින් පිනවා මැතිවරණ දිනන්න අඩුවට යතුරුපැදි දුන්නු නිසා තමයි... මේ තරම් මිනිස් ජීවිත රටට අහිමි වෙන්නේ කියලා කියන්න පුළුවන්... රජයේ නිලධාරින් ගත්තු යතුරු පැදි මේ වනවිට විකුණා තියෙනවා. කොහොම වුණත් වටිනාම ජීවිත රටට අහිමි වීමට හේතුවක් වෙන යතුරු පැදි නියාමනයක් නොපමාව කරන්න ඕන... හොඳින් සොයා බැලුවොත් යතුරුපැදි නිසා, යුද්ධය නිසා මැරුණාට වඩා මැරෙනවා කියලා පැහැදිලියි...

: 0 0

Bunny Preena Tuesday, 08 August 2023 02:12 PM

කවුද දන්නෙ නැහැ යතුරු පැදිය දාවනය කලේ. මවට නිවන් සුව ප්‍රාර්තනා කරමි.

: 1 2