රිය අනතුරින් මරු පරදයි : ගැටුමින් මරු දිනයි

මහනුවර අම්පිටියේ රිය අනතුරක් හේතුවෙන් දෙපිරිසක් අතර ඇතිවූ ගැටුමකින් පහර කෑමට ලක්ව මියගිය සුදත් කුමාර නිකකොටුව (34) මහතාගේ දේහය සඳුදා සුසාන භූමියට ගෙන අය අවස්ථාවේ ගම්වැසියෝ පොලිසියට එරෙහිව උද්ඝෝෂණයක නිරතවූහ.

පොලිසිය මරණය සම්බන්ධයෙන් සාධාරණ පරීක්ෂණයක් නොකළ බව කියමින් ඔවුහු දේහය මාර්ගය මැද තබා විරෝධතාවයේ යෙදුණහ.

මහනුවර සහකාර පොලිස් අධිකාරි හා මූලස්ථාන අධිකාරී එම ස්ථානයට ගොස් පරීක්ෂණ සාධාරණව කරන බවට දුන් පොරොන්දුවක් මත විරෝධතාව අවසන්වූ බව පොලිස් මාධ්‍ය ප්‍රකාශක කාර්යාලය පවසයි.