ජනාධිපති ආරක්ෂක අංශයේ බව කියමින් වැඩිහිටියන්ගේ රන්බඩු කොල්ලකන කල්ලියක නායකයකු මාළඹේ දී අත්අඩංගුවට ගත්බව පොලිසිය කියයි.

ඇතේ මුදු දමා ඇති වැඩිහිටියකු දුටුවිට මෙම කල්ලිය ඔහු ළඟට ගොස් අපේ ලොක්කා තව ටිකකින් පැමිණෙන බැවින් ඔබ පරීක්ෂා කළ යුතුයැයි කියා ත්‍රී රෝද රියකට නංවා ගන්නා බවත්. අතේ ඇති මුදල් හා රන්බඩු ළඟ ඇති බෑගයට දමන ලෙස උපදෙස් දෙන බවත් අනාවරණය වී ඇත. පසුව බෑගය ද පරික්ෂා කළ යුතු බව කියන බොරු ආරක්ෂකයන් ටික දුරක් ගොස් එම පුද්ගලයා බස්සවා බෑගය ගෙන යන බවත් කියති.

කොළඹ අවට ප්‍රදේශවලින් මෙවැනි පැමිණිලි 60ක් පමණ ලැබී ඇතැයි ද මේ කොල්ලකල්ලියේ හත් දෙනා ම දෙමටගොඩ පදිංචි කරුවන්යැයි ද පොලිසිය පවසයි.