(නිමල කොඩිතුවක්කු)

නව ව්‍යවස්ථා සම්පාදන ක‍්‍රියාවලිය මගින් ජාතික සමගිය සහ සංහිදියාව ගොඩනැගීමට ඇති ඉඩකඩ සම්පූර්ණයෙන්ම ඇහිරෙන බවත් තමන් මේ ක‍්‍රියාවලියට සම්පූර්ණයෙන්ම විරුද්ධ බවත් පාර්ලිමේන්තු මන්ත‍්‍රී අතුරලියේ රතන හිමියෝ අද(25) පැවසූහ .

එමෙන්ම ඒ සම්බන්ධ පාර්ලිමේන්තු ඡන්ද විමසීම්වලදී තමන් එයට එරෙහිව ජන්දය ප‍්‍රකාශ කරන බවත් උන්වහන්සේ අවධාරණය කළහ.

ජාතික පුස්තකාල හා ප‍්‍රලේඛන සේවා මණ්ඩලයේ පැවති ශ්‍රී ලංකා ජාතික මහා සභාවේ මාධ්‍ය හමුවකට අද (25) එක්වෙමින් උන්වහන්සේ මේ බව පැවසූහ.

ආණ්ඩුක‍්‍රම ව්‍යවස්ථාවේ මෙහෙයුම් කමිටුවේ අතුරු වාර්ථාව විසංවාදී ලියවිල්ලක් බවත්  ඉන් රට සම්පූර්ණයෙන්ම අවුල් ජාලයක් වන බවත් රතන හිමියෝ එහිදී වැඩිදුරටත් පැවසූහ.