හාස්‍යමය චිත්‍රපටවල වැඩිපුර දකින්නට ලැබෙන නළුවෙකු වන රිතෙක් දේශ්මුක් රංගනයෙන් දායක වන අලුත්ම බොලිවුඩ් චිත්‍රපටය වන "ග්රේට් ග්‍රෑන්ඩ් මස්ති" චිත්‍රපටය එළැඹෙන ජූලි 22 වැනිදා බොලිවුඩයට සමගාමීව ලොවපුරා ප්‍රදර්ශනය වීමට නියමිතව තිබේ.

මෙම චිත්‍රපටය "සෙක්ස් කොමඩි" ලේබලය යටතේ නිර්මාණය වන අතර, "මස්ති" චිත්‍රපට මාලාවේ තුන්වැනි නිර්මාණය මෙයද වන්නේය. සිනමාවට පැමිණි මුල් කාලයේදී හාස්‍යමය නළුවෙකු ලෙස ප්‍රසිද්ධ වූ රිතෙක් මේ වනවිට වැඩිපුර "සෙක්ස් කොමඩි" චිත්‍රපට සඳහා ලේබල් ගැසි ඇති නළුවෙකු ලෙස ජනප්‍රිය වී සිටියි. "ග්රේට් ග්‍රෑන්ඩ් මස්ති" චිත්‍රපටයට පෙර රිතෙක් රඟපෑ "හවුස්ෆුල්" තුන්වැනි චිත්‍රපටය තිරගත වූ අතර, එය මේ වනවිට ඉන්දියාවේ පමණක් ඉන්දීය රුපියල් කෝටි 100කට වඩා වැඩි ආදායමක් උපයාගෙන තිබේ. %ග්රේට් ග්‍රෑන්ඩ් මස්ති^ චිත්‍රපටයට පසුව රිතෙක් රඟන තවත් කොමඩි චිත්‍රපටයක් වූ "බන්ජෝ" චිත්‍රපටයද ප්‍රදර්ශනය වීමට නියමිතව ඇත.