රට විරුවන්ගෙන් මේ වසරේදී ඩොලර් බිලියන 7ක්

(අංජුල මහික වීරරත්න)

මේ වසරේදී ශ්‍රී ලාංකිකයින් 340,000 ක් රැකියා සඳහා විදේශ ගත කිරීමට බලාපොරොත්තු වන බව ශ්‍රි ලංකා විදේශ සේවා නියුක්ති කාර්යාංශයේ සභාපති කෝශල වික්‍රමසිංහ මහතා පැවසීය.

ඒ සඳහා විදේශ රැකියා නියෝජිතායතන වලට විශාල කාර්යයක් ඇතැයි සභාපතිවරයා කියා සිටියේය.

2025 වර්ෂයේදී විදේශ රැකියා 340,000 ක් සඳහා ශ්‍රි ලාංකික ශ්‍රමිකයින් යොමු කිරීම සම්බන්ධව බලපත්‍රලාභී විදේශ රැකියා නියෝජිතයින් දැනුවත් කිරීමේ වැඩසටහන් මාලාවේ ප්‍රථම වැඩසටහනට එක්වෙමින් සභාපතිවරයා මේ බව කීය.

මෙහිදි අදහස් දැක්වු කාර්යාංශයේ සාමාන්‍යාධිකාරී ඩී.ඩී.පී.සේනානායක මහතා 2025 වර්ෂයේදී විදේශ රැකියා මගින් ඇමරිකන් ඩොලර් බිලියන 7ක විගමණික ශ්‍රමික ප්‍රේෂණ ප්‍රමාණයක් බලාපොරොත්තු වන බව සඳහන් කළේය.

2024 වර්ෂයේදී ලාංකිකයින් 314,000 ක් පමණ රැකියා සඳහා විදේශ ගතවී ඇති අතර, එම වර්ෂයේදී ඇමරිකන් ඩොලර් බිලියන 6.51 ක් විගමණික ශ්‍රමික ප්‍රේෂණ වශයෙන් ලැබුණු බව ඩී.ඩී.පී.සේනානායක මහතා සඳහන් කළේය.

අදහස් (3)

රට විරුවන්ගෙන් මේ වසරේදී ඩොලර් බිලියන 7ක්

රුවන් Monday, 10 February 2025 08:12 PM

රට විරුවෝ කිව්වට ඒ මිනිස්සු විදින දුක් අනිත් මිනිස්සු දන්නේ නෑ. නුතන යුගයේ වහල් සේවයක්. මේක ඇත්තටම ගණිකා වෘත්තියට හපන්. සමහර අය නිවාඩුවට එන්නේ මිනි පෙට්ටිය ඇතුලේ. යුරෝපයේ මිනිස්සු මේවා දැක්කම හිනා වෙනවා ඇති

: 0 0

Chandana Tuesday, 11 February 2025 12:09 AM

යවනවා වගේම ඒ අය සොයා බලන්නත් ඕනෑ මෙචිචර කාලයක් කවුද සොයා බැලුවෙි. අපිට ආශ්‍රයට නොවේ රට යවන්නේ ලංකාවට ආවශ්‍ය මුදල් ගෙන්වා ගැනීමට . ඒක වරදන් නැහැ .තවම රට විරැවන් වෙනුවෙන් කිසි දෙයක් ලැබිලා නැත???

: 0 1

ගුණරත්න Tuesday, 11 February 2025 08:19 AM

සීයාගේ ආණ්ඩුව කාලේ ඔය මාලිමාවුන් ප්‍රසිද්ධියේ කිව්වා රටට සල්ලි එවන්න එපා කියල. රට වට්ටන්න හැදුවේ. දැන් එවුන්ම කියනවා අච්චර ආවා. මෙච්චර ආවා. ලැජ්ජාවක් නැතිකම. ඒ කොහොම වුනත් හැම මාසෙම ඩොලර් මිලියන 500ක මුදලක් නිකම්ම ලැබෙනවා.

: 0 0