(නිමල කොඩිතුවක්කු)

සමගි ජනබලවේගය ප්‍රමුඛ විපක්ෂයට රට බාරදෙන්නේ නම් පවතින අර්බුදයට විසදුම් ලබාදී ජීවන වියදම පහත හෙළා ජනතාවට සහන ලබාදී රට ගොඩනගන බව විපක්ෂ නායක සජිත් ප්‍රේමදාස මහතා කොළඹදී පැවසීය.

රට බංකොළොත් කළ ආණ්ඩු පක්ෂය කිසිදු වැඩ කොටසක් සිදු නොකරමින් සිටියදී හුස්ම හා සක්වල වැඩසටහන් මගින් වෙන කිසිදු විපක්ෂයක් ඉටු නොකළ ආකාරයේ වැඩ කොටසක් මෙරට සෞඛ්‍ය සහ අධ්‍යාපන ක්ෂේත්‍රයන් වෙනුවෙන් ඉටු කළ බවත් යම් හෙයකින් රටේ බාරකාරීත්වය වත්මන් විපක්ෂයට බාර දුන්නෙත් රටේ මුදල් ගැටලුව විසඳන බවත් විපක්ෂ නායකවරයා සඳහන් කලේය.

ආණ්ඩු බලය ලැබුණු පසු ජනතාවගේ බදු මුදල් භාවිත කර විවිධ දේ කිරීම මිස බලය නොමැති අවස්ථාවේ ජනතාව වෙනුවෙන් වැඩ කිරීම රටට හුරු නොමැති බවත් සිස්ටම් චේන්ජ් ඉල්ලා සිටින අයට මෙය ඉතා සාර්ථක වෙනසක් බවත් විපක්ෂ නායකවරයා පැවසීය.

52වෙනි සක්වල වැඩසටහන යටතේ රුපියල් ලක්ෂ 50 ක් වටිනා බස්රථයක් පිළියන්දල ධර්මරාජ මහා විද්‍යාලයට පරිත්‍යාග කරමින් ඔහු මේ බව පැවසීය.