(සුජිත් හේවාජුලිගේ)

පීඑච්පී( PHP) පරිඝණක භාෂාව භාවිතයෙන් සංවර්ධනය කරන ලද වෙබ් අඩවි සහ වෙබ් යෙදුම්වල පවතින ආරක්ෂක දුර්වලතා නිරාකරණය කිරීම සම්බන්ධයෙන් ඩිජිටල් ආර්ථික අමාත්‍යාංශය සියලු රාජ්‍ය ආයතන වෙත, චක්‍රලේඛයක් නිතුත් කර අැත.

සියලුම අමාත්‍යාංශ ලේකම්වරුන්, සියලුම පළාත් සභා ප්‍රධාන ලේකම්වරුන්, කොමිෂන් සභා ලේකම්වරුන්, සියලුම දෙපාර්තමේන්තු ප්‍රධානීන්, සියලුම සංස්ථා, ව්‍යාවස්ථාපිත ආයතන සහ රජය සතු සමාගම්වල ප්‍රධානීන් වෙත මෙම චක්‍රලේඛය නිකුත් කෙරිණ.

මෙරට සියයට 70 කට වැඩි රාජ්‍ය ආයතන වෙබ් අඩවි හා වෙබ් යෙදුම් සංවර්ධනය කිරීමට මෙම PHP පරිඝනක භාෂාව යොදාගෙන අැත.ඒ අනුව වෙබ් අඩවි සහ වෙබ් යෙදුම් සංවර්ධනය කිරීම සඳහා බහුලව භාවිත වන PHP පරිඝනක භාෂාවට අදාළව හඳුනාගෙන ඇති ආරක්ෂක දුර්වලතා කෙරෙහි වහාම අවධානය යොමු කරන ලෙස ඩිජිටල් ආර්ථික අමාත්‍යාංශය සියලුම රජයේ ආයතන වෙත දැනුම් දී අැත.

මෙම ආරක්ෂක දුර්වලතා හේතුවෙන්, අනවසරයෙන් පද්ධති වෙත ප්‍රවේශ වීමේ, දත්ත සොරකම් කිරීමේ සහ ක්‍රියාකාරීත්වයට බාධා ඇති වීමේ දැඩි අවදානමක් පවතින බව අදාළ චක්‍රලේඛයේ සඳහන් වෙ ්