(නිමන්ති රණසිංහ)

ජනතාව හොඳටම කලකිරී සිටින හෙයින් රාජපක්ෂවරුන්ට යළි නැගිටීම අමාරු බව නව ලංකා නිදහස් පක්ෂයේ නායක පාර්ලිමේන්තු මන්ත්‍රී කුමාර වෙල්ගම මහතා පැවසීය.

මහජනතාව රාජපක්ෂලා පිළිනොගන්නා බවද  ඔහු සඳහන් කළේය.

ජනාධිපතිවරයා බලාපොරොත්තු වූ ආධාර තවමත් ලැබී නොමැති හෙයින්  ඉදිරි වසර මීට වඩා අර්බුදකාරී විය හැකි බව පැවසූ මන්ත්‍රීවරයා අර්බුදයෙන් රට ගොඩගැනීමට වත්මන් ජනාධිපතිවරයාට හැකියාව පැවතියත්  එය ඉටු කිරීමට රාජපක්ෂවරුන් ඔහුට  ඉඩ  නොදෙන බවද  ප්‍රකාශ කළේය.

රනිල් වික්‍රමසිංහ මහතාට ආර්ථිකය ගොඩනැගීම කළ හැකි වුවත් ඔහුට ඒ සඳහා ඉඩ  නොදෙන්නේ රාජපක්ෂවරුන්  බවත් රාජපක්ෂවරුන්  කිට්ටු කර ගතහොත් වික්‍රමසිංහ මහතාට කොයි මොහොතක හෝ පස්ස බිම ඇන ගැනීමට සිදුවන බවත් වෙල්ගම මහතා වැඩිදුරටත් පැවසීය.