(විමුක්ති එස් රුද්රිගු)
අනුරාධපුර සිට බෙලිඅත්ත බලා ධාවනය වන රජරට රැජින සීඝ්ර ගාමි දුම්රිය පොල්ගහවෙල දුම්රිය ස්ථානයේදී පීලි පැනීමට ලක්වීම හේතුවෙන් ප්රධාන මාර්ගයේ දුම්රිය ධාවනයට බාධා එල්ල වී ඇති බවත් මගීන් දැඩි ලෙස අපහසුතාවයට පත්ව ඇති බවත් වාර්තා වේ.
මේ වනවිට උදෑසන 6.20 ට මහනුවර සිට කොළඹ කොටුව බලා ධාවනය වන සීඝ්රගාමි දුම්රිය ද අධික මගීන් ධාරිතාවක් සහිතව පැය 1 මිනිත්තු 30 ක ප්රමාදයකින් යුක්තව ධාවනය වෙමින් පවතින බවත්, දුම්රිය අතරමග නවත්වමින් ධාවන වෙමින් පවතින බවත් වාර්තා වේ.
රජරට රැජින දුම්රියේ පීලි පැනීම සහ දුම්රිය ප්රමාදය පිළිබද 1971 ක්ෂණික ඇමතුම් අංකයට ලංකාදීපය දුරකතන ඇමතුමක් ලබා ගත් විට එහි නිලධාරීන් අපව නියෝජ්ය සාමාන්යාධිකාරී (ගමනා ගමන) සෙනෙවිරත්න මහතා වෙත යොමුකළ අතර,ඉන් පසු සෙනවිරත්න මහතා කාර්යාලයේ නොසිටි බැවින් එම කාර්යාලය නැවතත් 1971 ක්ෂණික දුරකථන ඇමතුම් අංකය වෙත අප යොමු කරන ලදි.
නැවතත් අප සාමාන්යාධිකාරී කාර්යාලය වෙත යොමු කෙරුණු අතර එහිදී කළ විමසීමකදී පොල්ගහවෙල දුම්රිය ස්ථානයේදී දුම්රිය ප්රමාදයක් සිදුවිය හැකි වුවත් දුම්රිය ධාවනයට එයින් විශාල බලපෑමක් එල්ල නොවන බව දුම්රිය සාමාන්යාධිකාරි කාර්යාලයේ නම සඳහන් කිරීමට අකමැති නිලධාරියෙක් පැවසීය.
COMMENTS
Reply To:
Sisira - cb chds hcdsh cdshcsdchdhd
මන්ත්රීලට පුලුවන්නම් කොච්චියට පනින්න බැරි ඇයි?
අපූරු විහිළු කතා තමයි මේ දුම්රිය බලධාරීන් කියන්නේ ... දුම්රිය ගමනාගමනය ට බාධාවක් වුණේ නැතිලූ.ඒක දන්නේ දුම්රිය මගීන් තමයි.ඊයේ සාගරිකා දුම්රිය සැම තැනම නවත්වමින්, කට කපලා මගීන්ද පුරවාගෙන ගාල්ලට ආවත්, එහිදී පීල්ලක් කැඩී ගොස් තිබීම නිසා,දුම්රිය ගමන් කිරීමට නොහැකි වුණා.අනතුරුව තවත් රස්තියාදු වී සිටි මගීන්ට ගාල්ලේ සිට වෙනත් මන්දගාමී දුම්රියක් ධාවනය වුණා.ඒත්,ඒ දුම්රියේත්, කට කපලා සෙනග.ඒ මදිවට දුම්රියේ ලයිට් නැහැ.ස්ත්රී පුරුෂයන් කිටි කිටියේ එකට තද වෙලා.ඝන අඳුර ... අනේ මන්දා,මේ දුම්රිය සේවය මේ අයට කිසිසේත් පාලනය හෝ නිසිලෙස නඩත්තු කරන්න බැහැ. මේ දුම්රිය සේවය මේ රටේ පෞද්ගලික සමාගමක් සඳහා විකිණිය යුතු කාලය එළඹ ඇති බව පෙනේ.