(රෝෂන් තුෂාර)

හිටපු ජනාධිපති මහින්ද රාජපක්ෂ මහතාගේ පුත් යෝෂිත රාජපක්ෂගේ මිත්තණිය වන ඩේසි ෆොරස්ට් හට නඩු කටයුත්තකට පෙනී සිටිමට සුදුසු මානසික තත්තවයක් තිබෙනවාද යන්න පිළිබඳව පරීක්ෂාකර කොළඹ අධිකරණ වෛද්‍ය නිළධාරියාගේ  මාර්ගයෙන් හෙට දින (11) වෛද්‍ය වාර්තාවක්  කැඳවීමට නියමිත බව රජයේ අධි නිතීඥ ඔක්ස්වල්ඩ් පෙරේරා මහතා කොළඹ මහාධිකරණ විනිසුරු රශ්මි සිංගප්පුලි මහතා හමුවේ කරුණු දක්වමින් (10)පැවසීය.

මුදල් විශුද්ධිකරණය වැළැක්වීමේ පනත යටතේ හිටපු ජනාධිපති මහින්ද රාජපක්ෂ මහතාගේ පුත් යෝෂිත රාජපක්ෂ සහ ඔහුගේ මිත්තණිය වන ඩේසි ෆොරස්ට් යන අයට එරෙහි නඩුවක් යළි කැඳ වූ අවස්ථාවේ රජයේ අධි නීතීඥවරයා මේසෙ පැවසීය.

පැමිණිල්ල මගින් ඉදිරිපත් කළ කරුණු සම්බන්ධයෙන් විත්තිය එකඟත්වය පළ කරන  යෝජිනා සලකා බැලීම  සඳහා නඩුව කැඳවීම් කළද  රජයේ අධි නිතීඥ ඔක්ස්වල්ඩ් පෙරේරා අධිකරණයට දන්වා සිටියේ විත්තිකරුවන්ට එරෙහිව මෙම නඩුව හා සම්බන්ධිත තවත් නඩුවක් මහාධිකරණ අංක 8හි විභාග වෙමින් පවතින බවයි.

එම නඩුව විමසීම අතරතුරදී දෙවන විත්තිකාරිය හට නඩු කටයුත්තකට මුහුණ දීමට සුදුසු මානසික මට්ටමක් නැති බවත් ඇය මතකය හීන වීමේ තත්ත්වයකින් පසුවන බවත් ඇයගේ නීතීඥවරයා අධිකරණයට දැන් වූ බව ද ඔක්ස්වල්ඩ් පෙරේරා මහතා අධිකරණයට දන්වා සිටියේය. 

විත්තිකාරියගේ මෙම රෝගී තත්ත්වය සැලකිල්ලට ගත් අධිකරණය පසුගිය නොවැම්බර් 11 වැනිදා ඇය නඩු කටයුත්තකට මුහුණ දීමට හැකි අන්දමේ මානසික තත්ත්වයකින් පසුවනවාද යන්න පිළිබඳව කොළඹ අධිකරණ වෛද්‍ය නිළධාරියා මාර්ගයෙන් විශේෂඥ වෛද්‍ය වාර්තාවක් කැඳවීමට නියෝග කළ බවත්,එම වෛද්‍ය වාර්තාව අද දිනයේදී ලබා ගැනීමට නියමිත බව ය.

අදාල පරීක්ෂණයේ වාර්තාව ලැබීමෙන් පසු විත්තිකාරිය නඩු කටයුත්තකට පෙනී සිටීමේ සුදුසු මානසිත තත්ත්වයකන් සිටිනවාද? ඇයට විත්ති වාචිකයක් ඉදිරිපත් කිරීමේ හැකියාව පවතිනවාද? යන්න සම්න්ධව පැමිණිල්ල සලකා බලන බව ද ඔක්ස්වල්ඩ් පෙරේරා වැඩි දුරටත් පැවසීය.

එබැවින් අදාල පරීක්ෂණ වාර්තා ලැබෙන තුරු නඩුව කැඳවීමට දිනයක් ලබා දෙන ලෙද රජයෙ අධි නිතීඥවරයා අධිකරණයෙන් ඉල්ලා සිටියා.

කරුණු සලකා බැලූ විනිසුරුවැයා නඩුව පෙබරවාරි 9 කැඳවීමට දින නියම කළේය .

2009 වසරේ මාර්තු මස 31 වනදා සහ 2013 වසරේ දෙසැම්බර් මස 12 වන දා අතර කාලසීමාව තුළ උපයා ගත් ආකාරය සනාථ කිරීමට නොහැකි රුපියල් මිලියන 59කට අධික මුදලක් පෞද්ගලික බැංකු ගිණුම් තුනක ස්ථාවර තැන්පතු ගිණුම්ල තැන්පත් කිරීම තුළින් මුදල් විශුද්ධිකරණය වැළැක්වීමේ පනත යටතේ ගැනෙන වරදවල් සිදුකළේ යයි චෝදනා කරමින් විත්තිකරුවන්ට එරෙහිව මෙම නඩුව ගොනුවඇත.