හිටපු නාවික හමුදා ලූතිනන් යෝෂිත රාජපක්ෂ මිත්තනිය නමින් මිලදී ගෙන ඇති රත්මලානේ රුපියල් මිලියන 24ක වටිනා ඉඩමක් සහිත නිවස විකිණීම, අන්සතු කිරීම තහනම් කරමින් කොළඹ අතිරේක මහේස්ත‍්‍රාත් ඔගස්ට‍්‍රා අතපත්තු මහත්මිය අද (15) නුගේගොඩ ඉඩම් රෙජිස්ට‍්‍රාර්වරයාට නියෝගයක් නිකුත් කළාය.

යෝෂිත රාජපක්ෂ මිත්තණීය වූ 173/2, මිහිදු මාවත ගල්කිස්ස ලිපිනයෙහි ඬේසි ෆොරස්ට්ගේ නමින් රුපියල් මිලියන 24කට මිලදී ගෙන ඇති අංක 04, සිරිමල් උයන, කෙකටිය පෙදෙස, රත්මලාන ලිපිනයේ පර්චස් 31.5ක නිවස සහිත ඉඩම මෙසේ විකිණීම සහ අන්සතු කිරීම වළක්වමින් ලමින් අධිකරණය මේ නියෝගය පැනවීය.

මූල්‍ය අපරාධ විමර්ශන කොට්ඨාසය මෝසමක් පත‍්‍රයක් මගින් අධිකරණයෙන් කළ ඉල්ලීමක් සළකා බැලූ මහේස්ත‍්‍රාත්වරිය එම නියෝග නිකුත් කළාය.