බොලිවුඩ් සිනමා වෙබ් අඩවි කිහිපයක්ම වාර්තා කරන අන්දමට සැප්තැම්බර් 09 වැනිදා 'බාර් බාර් දේකෝ' චිත්‍රපටය තිරගත වීමත් සමග යොවුන් තරු කිහිපයකම තරගකාරීත්වය ආරම්භ වන බවයි. මෙම වෙබ් අඩවි සඳහන් කරනුයේ, සිද්ධාර්ත් මල්හෝත්‍රාගේ 'බාර් බාර් දේකෝ', රන්බීර් කපූර්ගේ 'ඒ දිල් හයි මුෂ්කිල්' හා රන්වීර් සිංගේ 'බේපිකර්' චිත්‍රපට බොලිවුඩයේ වැඩි සාර්ථකත්වයක් හිමිකරගනු ඇති චිත්‍රපට බවයි.

එමෙන්ම මෙම වෙබ් අඩවි වාර්තා කර සිටින්නේ මෙම චිත්‍රපට අවම වශයෙන් ඉන්දීය රුපියල් කෝටි 50 සීමාව පහසුවෙන් ඉක්මවනු ඇති බවයි. එමෙන්ම මෙම චිත්‍රපට එකදිගට තිරගත නොවී යම් කාලසීමාවකට අනුව තිරගත වීම හේතුවෙන් මෙම චිත්‍රපට ආදායම් අතින් සාර්ථක වීමට හේතුවක් වනුද ඇති බවයි.

'බාර් බාර් දෙකෝ' චිත්‍රපටය සැප්තැම්බර් 09 වැනිදාද, 'ඒ දිල් හයි මුෂ්කිල්' චිත්‍රපටය ඔක්තෝබර් 28 වැනිදාද, 'බේපිකර්' චිත්‍රපටය දෙසැම්බර් 09 වැනිදාද තිරගත වීමට නියමිතය. මෙම චිත්‍රපටය ඉන්දියාවේ ඇතුළු විදෙස් රටවල් කිහිපයකද එක්වර තිරගත කිරීමට සැලසුම් කර ඇත.