‘ඡන්දයක  විශේෂත්වය තමයි අල්ලස, අයුතු බලපෑම සහ අයුතු සංග්‍රහ කියන එක නීති විරෝධි බව. එය ලෝකයේ පිළිගත් ධර්මතාවක්. මේ සියලු දේම සිදු වන හැටි අද රූපවාහිනියෙන් බලන්න පුළුවන්.    හුඟක් සල්ලි තියෙන, කළු  සල්ලිකාරයන්ට පාර්ලිමේන්තුව විවෘත වෙළා, වඩාත් හැඟිම්බර දේශපාලන උද්‍යෝගයක් තියෙන සාමාන්‍ය මිනිස්සුන්ට පාර්ලිමේන්තුවට එකතු වෙන්න තියෙන පුළුවන් කම නැති වෙළා.‘ යැයි ජ්‍යෙෂ්ඨ මාධ්‍යවේදී වික්ටර් අයිවන් මහතා කියයි.

රාවය පුවත්පතේ හිටපු කර්තෘ මෙන්ම එහි නිර්මාතෘ ද වන අයිවන් මහතා දේශපාලන විචාරකයෙකි.

‘නිදහසෙන් පස්සේ අපිට දකින්න ලැබෙන අලුත්ම ප්‍රවනතාව තමයි දූෂිත ආණ්ඩුක්‍රමය වෙනස් කර, මිනිස්සුගේ ගෞරවයට හා විශ්වාසය දිනා ගන්නා ක්‍රමයක් ගෙන ආ යුතු බව   අද මහජනයා කතා කිරීම.‘

යුද්ධයෙන් පස්සේ ඇති වූ උද්වේගකර වටපිටාව ජනතාව අතර මෙන්ම පාර්ලිමේන්තුවේ ද පැවැති බවත්, ඒ වටපිටාවේ 18 වැනි ව්‍යවස්ථා සංශෝධනය සම්මත කර ගත්තත් දැන් පාර්ලිමේන්තුවේ එවැනි තත්ත්වයක් නැති බවත් අයිවන් මහතා කියයි.

ලෝකයේ බොහෝ රටවල ජනපතිගේ ධුර කාලය උපරිම වසර දෙකකට සීමා කර ඇති බවත්, එසේ කර ඇත්තේ ඒකාධිපතිත්වයක් කරා යෑම වැළැක්වීමට බවත් කියන අයිවන් මහතා ලංකාවේ විධායක ජනපති ක්‍රමය නැති කළ යුතු බව ද පවසයි.

අයිවන් මහතා සමග කළ සමූඛ සාකච්ඡාව පහත වීඩියෝවෙන්...