(සුජිත් හේවාජුලිගේ)

මීගමුව බන්ධනාගාරයේ සිදු වූ ප්‍රචණ්ඩකාරී සිදුවීම් මාලාව සම්බන්ධයෙන් ශ්‍රී ලංකා නීතිඥ සංගමය (BASL) සිය බලවත් කණගාටුව පළ කරයි.

මීගමුව බන්ධනාගාරයේ සිදු වූ මෙම ඛේදවාචකය, හුදෙකලා සිදුවීමක් නොවන බවත්, එය මෙරට බන්ධනාගාර පද්ධතියේ සහ අපරාධ යුක්ති පරිපාලනයේ පවතින දිගුකාලීන ව්‍යුහාත්මක දුර්වලතාවයන්හි ප්‍රතිඵලයක් බවත් නීතිඥ සංගමය පෙන්වා දෙයි.

රැඳවියන්ගේ මෙන්ම බන්ධනාගාර නිලධාරීන්ගේ ආරක්ෂාව සහතික කිරීම රජයේ මූලික යුතුකම බව සංගමය අවධාරණය කරයි.