(*** රංජන් කස්තුරි)
මරණ දඬුවමට යටත්ව සිටින පුද්ගලයකුට පාර්ලිමේන්තු අසුනක් හෙබවීමට හෝ ඡන්දය ප්රකාශ කිරීමට හෝ අයිතියක් නැති හෙයින් ප්රේමලාල් ජයසේකර මහතාට පාර්ලිමේන්තු මන්ත්රී ධුරයක කටයුතු කළ නොහැකි යැයි නීතිපතිවරයා අධිකරණ අමාත්යාංශයට දැනුම් දී තිබේ.
ප්රේමලාල් ජයසේකර මහතා අභියාචනය කර ඇති හෙයින් ඔහුගේ මරණ දඬුවම තාවකාලිකව නතර කෙරුණද ඔහු වරදකරුවීම අත්හිටුවීමක් සිදු නොවන බවද නීතිපතිවරයා පෙන්වා දී ඇතැයිද නීතිපතිවරයාගේ සම්බන්ධීකරණ නිලධාරිනී රජයේ අධි නීතිඥ නිශාරා ජයරත්න මෙනවිය පැවසුවාය.
ආණ්ඩුක්රම ව්යවස්ථාවේ 89 (ඇ) වගන්තිය ප්රකාරව මරණ දණ්ඩනය හිමි පුද්ගලයකුට ඡන්ද බලය පවා අහිමි වන බවද නීතිපතිවරයා අධිකරණ අමාත්යාංශයට යැවූ පැහැදිලි කිරීමේ සඳහන් කර ඇති බවද ජයරත්න මෙනවිය කීවාය.
ඒ අනුව ප්රේමලාල් ජයසේකර ට පාර්ලිමේන්තු අසුනක් හෙබවිය නොහැකි බව නීතිපතිවරයාගේ අදහස වන බවද නිශාරා ජයරත්න මෙනවිය කීවාය.
COMMENTS
Reply To:
Sisira - cb chds hcdsh cdshcsdchdhd
ඒක එහෙම වෙන්නේ නැහැ කියලා අර වයසකම ඇමැතිතුමා කියනවා ඇහුණා. කවුද දන්නේ නැහැ නීතිය හරියටම දන්නේ..? ඇමැතිතුමාද? නීතිපතිද?
20 වැනි සංශෝධනයට හොඳ මාතෘකාවක්..
20වැනි සංශෝධනයෙන් මේක වෙනස් කළාම හරි... එවිට මරණ දඬුවමට නියම වී සිටින වෙලේ සුද්දත් පාර්ලිමේන්තුවට එන්න පුළුවන්.
නීතිපතිත් නාගන්නයි හදන්නේ.. එයා දන්නේ නැද්ද ආණ්ඩුක්රම ව්යවස්ථාවට උඩින් රාජපක්ෂ නීතිය තියෙනවා කියලා.
රටේ නමත් කැතවෙල වැඩතමයි ඕවා. මම දැක්කා ලංකාවේ මරණ දඬුවමට ලක්වුණු කෙනෙක් පාර්ලිමේන්තුවට ඇවිල්ලා කියලා CNA වලත් ගියා. මොන ලැජ්ජා නැති වැඩක්ද මේක? කොහොමත් 20වැනි සංශෝධනය ගෙනාවට පස්සේ තමයි සිද්ධිය බලන්න වෙන්නේ. මොකද ඔයවගේ හොඳ දේවලුත් 20න් අයින් කරන්නනේ බලාගෙන ඉන්නේ. මොකද ඉතින් ඔය මොකක් කරන්නත් ඡන්දෙන් 2/3ක බලයක් හම්බවුණානේ ඉතින්.. මිනිස්සුන්ට කියන්න තියෙන්නේ ඉතින් කුම්බලා මාළු කෑවා නම් විඳවපන් කියලා තමයි ඉතින්.