(නිමල කොඩිතුවක්කු)

සෑම පාර්ලිමේන්තු මන්ත‍්‍රිවරයකුගෙන්ම වෙනත් රටක පුරවැසිභාවයක් නොමැති බවට සඳහන් දිවුරුම් ප‍්‍රකාශයක් ලබා ගැනීමට කටයුතු කරන ලෙසට  පැෆරල් සංවිධානය කථානායක කරූ ජයසූරිය මහතාගෙන් ඉල්ලීමක් කර තිබේ.

පාර්ලිමේන්තු මන්ත‍්‍රිවරුන්ගේ ද්විත්ව පුරවැසිභාවය සම්බන්ධයෙන් විශාල කතිකාවතක්  හා සැකයක් සමාජය තුළ ජනිත වී ඇති බැවින් එම ක‍්‍රියාමාර්ගය කඩිනමින් ගන්නා ලෙසද කථානායකවරයා වෙත ලිපියක් යොමුකරමින් පැෆරල් සංවිධානයේ විධායක අධ්‍යක්ෂ රෝහණ හෙට්ටිආරච්චි මහතා සඳහන් කරයි.

යම් ආකාරයකට පාර්ලිමේන්තුව නියෝජනය කරන මහජන නියෝජිතයන් තම ද්විත්ව පුරවැසිභාවය හෙළි නොකරන්නේ නම් එය ජනතාව රැවටීමක් බවත්  මේ පිළිබද විශේෂ අවධානයක් යොමු කරන ලෙසත් එම ලිපිය මගින් වැඩිදුරටත් ඉල්ලා තිබේ.