සිය මන්ත්‍රී දේශපාලන ජීවිතයට සමුදීමට තමා තීරණය කළ බව  හිටපු මුදල් අමාත්‍ය මංගල සමරවීර මහතා කියයි.

ඒ අනුව 2020 මහ මැතිවරණයට සමගි ජන බලවේගයේ අපේක්ෂකයකු ලෙස තමා ඉදිරිපත් නොවන බවත් අපේක්ෂකයකු ලෙස ඡන්ද නාම ලේඛනයේ  නම සදහන්ව තිබුණද ඡන්දය ඉල්ලිමෙන් වැලකී සිටින බවත් පවසන හිටපු අමාත්‍යවරයා සිය  අංකය ඉදිරියේ  මනාපය සටහන් නොකරන ලෙස මාතර දිස්ත්‍රික් ජනතාවගෙන් ඉල්ලීමක්ද සිදු කර තිබේ.
 
එමෙන්ම මන්ත්‍රී දේශපාලනයෙන් ඉවත් වුවද තමා දේශපාලනයෙන් සමුගැනීමට හෝ විශ්‍රාම ගැනීමට කිසිඳු ලෙසකින් තීන්දු කර නැතැයි හිටපු අමාත්‍යවරයා අවධාරණය කර ඇත.
 
 නිවේදනයක් නිකුත් කරමින් මංගල සමරවීර මහතා අද(09) මේ බව ප්‍රකාශ කර ඇත.
 
මේ සම්බන්ධයෙන් එක්සත් ජාතික පක්ෂ නායක රනිල් වික්‍රමසිංහ මහතාට හා සමගි ජන බලවේගයේ නායක සජිත් ප්‍රේමදාස මහතාට ද දන්වා ඇතැයි මංගල සමරවීර මහතා  සඳහන් කරයි.
 
 මංගල සමරවීර මහතා නිකුත් කළ සම්පූර්ණ නිවේදනය පහත දැක්වේ.