මංගල සමරවීර විදේශ ඇමැති ලබන සිකුරාදා ඇමෙරිකාවේ නිව්යෝර්ක් නුවරදී එක්සත් ජාතීන්ගේ සංවිධානයේ මහ ලේකම් බෑන් කී මූන් හමුවීමට නියමිතය.

වොෂින්ටන් අගනුවරදී ඔහු ඇමෙරිකා රාජ්‍ය ලේකම් ජෝන් කෙරී බ්‍රහස්පතින්දා හමුවී සාකච්ඡා කිරීමටද නියමිතය.

2005 න් පසු ශ්‍රී ලංකා රජයේ නියෝජිතයකු ඇමෙරිකා රාජ්‍ය ලේකම්වරයකු නිල වශයෙන් හමුවී සාකච්ඡා පවත්වන ප්‍රථම අවස්ථාව මෙයයි.

ශ්‍රී ලංකාවට එරෙහිව එක්සත් ජාතීන්ගේ මානව හිමිකම් කමිටුවේ විමර්ශන ගැනත් ජී.එස්.පී බදු සහනය ලබාගැනීම සම්බන්ධයෙනුත් විදේශ ඇමැති ඇමෙරිකා රාජ්‍ය ලේකම් සමග සාකච්ඡා කරනු ඇතැයි කියති.