2025 ඔක්තෝබර් මස 20 වන සඳුදා
2025 ඔක්තෝබර් මස 20 වන සඳුදා
(සුජිත් හේවාජුලිගේ)
රට පුරා තදින් පැතිර යන විෂ මත්ද්‍රව්‍ය ජාවාරම් පාලනය කිරීමේ පියවරක් ලෙස මහා පරිමාණ මත්ද්‍රව්‍ය ජාවාරම්කරුවන්ට මරණ දඬුවම හෝ වෙනත් එවැනි විකල්ප වැඩපිළිවෙළක් කෙටි කාලයක් වෙනුවෙන් ක්‍රියාත්මක කරන ලෙස මහාචාර්ය නීතිඥ ප්‍රතිභා මහානාම හේවා මහතා රජයට යෝජනා කරයි.
මත්ද්‍රව්‍ය ජාවාරම් වැඩි වන කාල වලදී සිංගප්පූරුව මියන්මාරය ඇෆ්ඝනිස්ථානය බංගලාදේශය චීනයේ ජපානය වියට්නාමය සහ ඉන්දියාව ආදී රටවල මහා පරිමාණ මත්ද්‍රව්‍ය ජාවාරම්කරුවන්ට මරණ දඬුවම ඒ ආකාරයට කෙටිකාලීනව ක්‍රියාත්මක කරන බවද ඔහු සඳහන් කළේය.
එසේම ත්‍රස්තවාදය වැළැක්වීමේ පනත ළගදීම අහෝසි කිරීමට රජය තීරණය කර ඇති හෙයින් දැනට එම පනත යටතේ රැඳවුම් නියෝග මත රඳවාගෙන සිටින බරපතළ ගණයේ සංවිධානාත්මක අපරාධකරුවන් සහ මත්ද්‍රව්‍ය ජාවාරම්කරුවන් නිදහස්වීමේ අවදානමක් පවතින බව මහාචාර්යවරයා පැවසීය.
මේ හේතුවෙන් එම පනත අහෝසි කිරීමට පෙර බරපතළ සංවිධානාත්මක අපරාධ වැළැක්වීමේ නව පනත් කෙටුම්පතක් සම්මත කර ගැනීම ඉතාම වැදගත් බව ඔහු පෙන්වා දුන්නේය
මේ අතර මත්ද්‍රව්‍ය ජාවාරම්කරුවන්ට අදාල නඩු විභාග ඉතා කඩිනම් කිරීමට යාන්ත්‍රණයක් සකස් කිරීමද ඉතා වැදගත් බවත් ඒ සඳහා රස පරීක්ෂක අංශ සහ අධිකරණ ක්‍රමවේදය ශක්තිමත් කළ යුතු බවත් හෙතෙම පැවසීය.
එසේ නොමැති වූවහොත් රැඳවුම් නියෝග කාලය අවසන්වී ඇප ලබාගෙන විදේශයන්ට පලා යෑමට එම අපරාධකරුවන්ට ඉඩහසර සැලසිය හැකි බව ප්‍රතිභා මහානාම හේවා මහතා වැඩිදුරටත් ප්‍රකාශ කළේය.
2025 ඔක්තෝබර් මස 08
1090
0
හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.
2025 ඔක්තෝබර් මස 01
1112
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 නිල් ග්‍රහලෝක ත්‍යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට
2025 සැප්තැම්බර් මස 23
421
0
ජනසතු සේවා සත් සාමාජික පාපන්දු ශූරතාවයේ ඊ ඛාණ්ඩයේ ශූරතාවය ජයග‍්‍රහණය කිරීමට ශ්රී ලංකා ඉන්ෂුවරන්ස් පාපන්දු කණ්ඩායම සමත් විය. ශ්රී ලංකා ඉන්ෂුවරන
මත්ද්‍රව්‍ය ජාවාරම්කරුවන්ට එල්ලුම් ගහ කෙටි කාලයකට ගේන්න
de silva Monday, 20 October 2025 02:09 PM
අනිවාර්යයෙන් කළ යුතු දෙයක්..., ඔවුන් මරණ දඩුවම ලැබුණත් හිරේ ඇතුලේ සිට දුරකථන භාවිතා කරමින් ගෝලයන්ට අණ දෙමින් මත්ද්‍රව්‍ය, කප්පම් සහ වෙනත් පාතාල ක්‍රියාකාරකම් සිදු කරනවා. මොවුන් නිසා වසරකට දහස් ගණනකගේ ජීවිත, ප්‍රකෝටි ගණනක දේපල විනාශ වෙනවා.
Prabash Monday, 20 October 2025 03:46 PM
අනිවාර්යයෙන්ම සිදුකළ යුතු දෙයක්. ඔය ජාවාරම් වලින් මොන ක්‍රමයකින් හෝ ප්‍රතිලාභ ලබන අයහැර අනෙක් සියලුම ජනතාව පක්ෂ බේදයකින් තොරව මීට එකඟයි. මීට පෙර රජයන්ට මෙම තීරණය ගැනීමට තරම් එඩිතර බවක් නොවූවද වර්තමාන රජයෙන් එම තීරණය ගනු ඇතැයි නීති ගරුක ජනතාව බලාපොරොත්තු වේ...
Mohan Monday, 20 October 2025 03:51 PM
වටිනා අදහසක් මහාචාර්ය.. අපි ඉන්නේ මැද පෙරදිග. ඔයවගේ සෙල්ලම් මෙහෙ බෑ. මොකද මරණ දඩුවම. සුලු කාලයකට හෝ ක්‍රියාත්මක කළොත් ඉතාමත් හොදයි.
ගුණරත්න Monday, 20 October 2025 04:01 PM
අද මම ෆේස්බූක් එකෙන් කියෙව්වා අවුරුදු එකහමාරක දරුවෙක්ට වධ හිංසා කරලා පොළොවේ ගහපු නරුම කාලකන්ණි දෙන්නෙක් ගැන, අන්න ඒ දෙන්නා ඉස්සෙල්ලාම එල්ලුම් ගස් යවන්න...
චන්දන Monday, 20 October 2025 04:15 PM
ඔව් අනිවාර්යයෙන්ම මේක කරන්න. මේ රට මේ විනාශයෙන් බේරාගන්න නම්, අනාගත දටු පරපුර සමාජය බේරාගන්න නම් මෙය කලයුතුමයි. ආගම, මනුස්සකම් තාවකාලිකව අමතක කර මේ මත් රකුසන් එල්ලා මැරිය යුතුම වෙනවා. දැනට මරණ දඩුවම දීලා ඉන්න සෙට් එක එල්ලුවා නම් ඉබේම මේක නවතිනවා. කප්පම්, පැහැරගැනීම්, මිනීමැරීම් මේ සියල්ලම එකම ජාලයක්...
R.T.sarath Monday, 20 October 2025 05:10 PM
රජයට පුළුවන් ඉදිරියට එන පළාත් සභා ඡන්දයක් සමග රටේ මෙවැනි ප්‍රශ්න පිළිබදව ජනමත සමීක්ෂණයක් කරන්න (උදාහරණ - බරපතල මත්ද්‍රව්‍ය සහ මහා පරිමාණ මිනීමැරුම් චෝදනා තිබෙන පුද්ගලයින්ට විරුද්ධව මරණ දඩුවම ක්‍රියාත්මක කල යුතුද? ශ්රී ලන්කන් වැනි පාඩු ලබන රජයේ වියාපාර වල පාඩු පියවන්න මහජන මුදල් යෙදවිය යුතුද? වාහන තීරුබදු අඩු වැඩි කිරීම වැනි ප්‍රශ්න, අධ්‍යාපන , සවුක්ය ප්‍රශ්න) එතකොට පුළුවන් රජයට හරියටම පුරවැසි මතය හදුනාගෙන, අවශ්‍ය නම් පාර්ලිමේන්තුව තුළ මේ පිළිබඳව විවාදයක් තියලා නීති සම්පාදනය කරන්න... එහෙම කළාම ජනතාවගේ මතය නියෝජනය වෙනවා... රටේ දැවෙන ප්‍රශ්න වලට අවශ්‍ය විසදුම ලැබෙනකොට පුරවැසියොත් උද්ඝෝෂණ වැනි දේවල් නවත්වලා රට ඉදිරියට ගෙන යන්න උපකාර කරාවි.. ස්විට්සර්ලන්තේ මෙවැනි දේවල් කරනවා.
de silva Monday, 20 October 2025 05:11 PM
සමාජයේ බහුතරයක් මේකට කැමැති වෙනවා.