යුරෝපා සංගමය ගිය රජය කාලයේදී ශ්‍රී ලංකාවට පැනවූ මත්ස්‍ය අපනයන තහනම ඉවත් කර ගැනීමේ සාකච්ඡා සඳහා රජයේ විශේෂ නියෝජිත කණ්ඩායමක් ලබන 30 වැනිදා බෙල්ජියමේ බ‍්‍රසල්ස් නුවර බලා යෑමට නියමිතය.

යුරෝපා සංගමය මඟින් මත්ස්‍ය අපනයන තහනම ඉවත් කිරීම සඳහා නියම කළ  කෙනේදේසි වලින් 95%ක් ම මේවන විට සම්පූර්ණ කර ඇති අතර රජයේ බලධාරීන් යුරෝපා සංගම් නියෝජිතයින් බ‍්‍රසල්ස් නුවරදී හමුවීමෙන් පසු මෙරට මත්ස්‍ය නිෂ්පාදන නැවතත් බාධාවකින් තොරව යුරෝපා සංගමයේ රටවල් වෙත අපනයනය නිරීමට අවස්ථාව සැලසෙනු ඇතැයි විදේශ අමාත්‍යාංශ ආරංචි කියයි.

කෙලවල්ලා (ටූනා) මසුන් ඇතුළු මෙරට මත්ස්‍ය නිෂ්පාදන අපනයනයෙන් 2014 වසරෙදී ඩොලර් මිලියන 252.7 (රුපියල් මිලියන 36667)ආදායමක් ලැබුණු අතර 2015 ජනවාරියේ යුරෝපා සංගම් මත්ස්‍ය තහනමෙන් පසු එය 35% කින් පමණ පහළ වැටී ඇත.