ශී‍්‍ර ලංකාව සහ පාකිස්තානය අතර අද (1 වැනිදා) හම්බන්තොට, සූරියවැව, මහින්ද රාජපක්‍ෂ කී‍්‍රඩාංගණයේදී ආරම්භ වන විස්සයි-20 කි‍්‍රකට් තරගයේදී පන්දු යැවීම සඳහා ඇන්ජලෝ මැතිව්ස් සූදානම් බව ශී‍්‍ර ලංකා නායක මහේල ජයවර්ධන පවසයි. "ඔහුට දැන් සුවයි, මේ වගේ තරගයකදී පන්දු යවන්නට වෙන්නේ  ඕවර 4 ක් විතරයි. ඒ නිසා ඔහුට අන්තර්ජාතික තරග බිමේ පන්දු යැවීම නැවතත් ආරම්භ කිරීමට මෙය හොඳ අවස්ථාවක්”යයි ඊයේ සවස හම්බන්තොට, සූරියවැව, මහින්ද රාජපක්‍ෂ කී‍්‍රඩාංගණයේදී පුහුණුවීම් කිරීමට පෙර මහේල ජයවර්ධන පැවසීය. ඇන්ජලෝ මැතිව්ස් ඊයේ ඉතාම සවස් වන තුරුත් පන්දු යැවීමෙන් වැළකී සිටියද පෙරේදා පන්දු යැවීමේ යෙදුණු බව දැනගන්නට තිබිණ. ශී‍්‍ර ලංකා කණ්ඩායමේ උපනායකයා වුවද දිගින් දිගටම දණහිසේ අබාධයකට ලක්වීම නිසා අන්තර්ජාතික තරග වලදී පන්දු යැවීමෙන් වැළකී සිටි ඇන්ජලෝ මැතිව්ස්, පිතිකරුවකු ලෙස ශී‍්‍ර ලංකා පිල නියෝජනය කළේය. එහෙත් පසුගිය අයි. පී. එල්. තරගාවලියේදී පූනේ වොරියර්ස් පිල වෙනුවෙන් පන්දු යැවීමට ඉදිරිපත් වූ මැතිව්ස් ශී‍්‍ර ලංකා කණ්ඩායම වෙනුවෙන් පන්දු යවාවිද නැද්ද යන්න දැඩි කතාබහට ලක්වී තිබූ මාතෘකාවක් විය. ශී‍්‍ර ලංකාව සහ පාකිස්තානය අතර පැවැත්වෙන මෙම තරගාවලියේදී වැඩි දෙනාගේ අවධානය ශී‍්‍ර ලංකා කණ්ඩායම වෙත එල්ල වී තිබේ. එයට හේතු කිහිපයකි. මෙම තරගාවලියට සහභාගි වන ශී‍්‍ර ලංකා කී‍්‍රඩකයන් අතුරින් හය හත් දෙනකුම අයි. පී. එල්. තරගාවලියට සහභාගි වීම නිසා විස්සයි-20 කි‍්‍රකට් තරග සම්බන්ධයෙන් හොඳින් පදම් වී සිටින නමුත් අයි. පී. එල්. තරගාවලිය පැවැති මාස දෙකකට ආසන්න කාලයේදී පාකිස්තානුවෝ කිසිම කි‍්‍රකට් තරගාවලියකට සහභාගි නොවී, පුහුණුවීම් කළහ. එහෙත් මහේල ජයවර්ධන මෙම තත්ත්වය දකින්නේ වාසි සහ අවාසි දෙකම ඇති ලෙසකිනි. සූරියවැව කී‍්‍රඩාංගණයේදී මේ දිනවල දැඩි සුළගක් පවතින අතර ශී‍්‍ර ලංකා කණ්ඩායම පවතින දේශගුණික තත්ත්වයන්ට හුරුවීම සඳහා පෙරේදා රාති‍්‍රය වන තුරුත් පුහුණුවීම් වල නිරත විය. "එහිදී අපි අපේ පිතිකරුවන්ට වගේම පන්දු යවන්නන්ටත් විවිධ අභියෝග දුන්නා. ඔවුන් ඒවාට මුහුණ දෙන ආකාරය ගැන අවධානයෙන් සිටියා” යයිද ශී‍්‍ර ලංකා නායකයා පැවසීය. චාමර කපුගෙදර ශී‍්‍ර ලංකා විස්සයි-20 කණ්ඩායමට නැවතත් කැඳවා ඇති අතර කපුගෙදර අවසන් වරට විස්සයි-20 තරගයකදී ශී‍්‍ර ලංකා පිල නියෝජනය කළේ මාස 19 කට පෙරදී (වසර 2010 ඔක්තෝබර් මාසයේදී) ය. එබැවින් අද තරගයේදී කපුගෙදරට අවස්ථාවක් ලැබේද යන්න විමසිල්ලෙන් බලා සිටිය යුතුය. ඊයේ පැවැති පුහුණුවීම් වලදී කපුගෙදර ඉතාමත් හොඳින් පන්දුවට පහර දුන් නමුත් ශී‍්‍ර ලංකා පිලට වැදගත් වන්නේ පුහුණු දැළ තුළදී පන්දුවට පහර දෙන ආකාරය නොව, තරගයකදී පන්දුවට පහර දෙන ආකාරය සහ ලබාගන්නා ලකුණු සංඛ්‍යාවත්ය. නවතම අන්තර්ජාතික කි‍්‍රකට් ශ්‍රේණිගත කිරීම් අනුව, විස්සයි-20 තරග වලදී, මහේල ජයවර්ධනගේ නායකත්වයෙන් යුත් ශී‍්‍ර ලංකා කණ්ඩායම ප‍්‍රසාද ලකුණු 117 ක් සමගින් තුන්වැනි ස්ථානය හිමිකරගෙන සිටින අතර ප‍්‍රසාද ලකුණු 107 ක් හිමි පාකිස්තානු කණ්ඩායම පස්වැනි ස්ථානයේ පසුවෙයි. අන්තර්ජාතික ශ්‍රේණිගත කිරීම් අතරේ කුමන ස්ථානයක් හිමිකරගෙන තිබුණද දෙපිලේම නායකයන්ගේ උනන්දුව තව මාස දෙකකින් ශී‍්‍ර ලංකාවේදී ආරම්භ වන විස්සයි-20 ලෝක කුසලාන තරගාවලියට පොරතුව හැකි තරම් හොඳින් තරග කරමින් මනා පූර්ව සූදානමක් ලබාගැනීමයි. විස්සයි-20 ලෝක කුසලාන තරගාවලිය සැප්තැම්බර් 18 වැනිදා සිට ඔක්තෝබර් 7 වැනිදා දක්වා සූරියවැව, පල්ලෙකැළේ සහ කොළඹ ආර්. පේ‍්‍රමදාස කී‍්‍රඩාංගණවලදී පැවැත්වෙයි. ශ්‍රේණිගත කිරීමේ සටහනේ තවදුරටත් ඉදිරියට යාමට නම් ශී‍්‍ර ලංකා කණ්ඩායම මෙම තරග දෙකම ජයගත යුතුය. එසේ වුවහොත් ප‍්‍රසාද ලකුණු 7 ක් ලබාගනිමින් ශ්‍රේණිගත ලයිස්තුවේ දෙවැනි ස්ථානය ගැනීමට ශී‍්‍ර ලංකා කණ්ඩායමට හැකිවනු ඇත. එවන් තත්ත්වයකදී පාකිස්තානු කණ්ඩායම ශ්‍රේණිගත ලයිස්තුවේ හත්වැනි ස්ථානය දක්වා පහළ බසිනු ඇත. විස්සයි-20 කී‍්‍රඩකයන් ශ්‍රේණිගත කිරීම් අනුව මෙම තරගාවලියට සහභාගි වන කී‍්‍රඩකයන් අතුරින් ඉදිරියෙන්ම සිටින්නේ ශී‍්‍ර ලංකා නායක මහේල ජයවර්ධනයි. මහේල පිතිකරුවන් ශ්‍රේණිගත කිරීම් අතරේ 5 වැනි ස්ථානය හිමිකරගෙන සිටින අතර තිලකරත්න ඩිල්ෂාන් (6) සහ කුමාර් සංගක්කාර (8) සිය නායකයා ආසන්නයෙන්ම සිටිති. කෙසේ වෙතත් විස්සයි-20 පන්දු යවන්නන් අතරේ ලෝකයේ හොඳම පන්දු යවන්නා බවට පත්ව සිටින අජන්ත මෙන්ඩිස් පිටකොන්දේ ආබාධයක් නිසා මෙම තරගාවලියට සහභාගි නොවේ. මහේල ජයවර්ධන ඊයේ සවස කියා සිටියේ අජන්ත මෙන්ඩිස් සති තුනකට පමණ පෙර නැවතත් පන්දු යැවීම ආරම්භ කළ නමුත් සම්පූර්ණ සුවය ලැබීමට පෙර ඔහුට බර පැටවීම ඉදිරියේදී වඩාත් අහිතකර විය හැකි බවයි. ශී‍්‍ර ලංකා සංචිතය මහේල ජයවර්ධන (නායක), ටී. එම්. ඩිල්ෂාන්, කුමාර් සංගක්කාර, දිනේෂ් චන්දිමාල්, ඇන්ජලෝ මැතිව්ස්, ළහිරු තිරිමාන්න, කෞෂල්‍ය ලොකුආරච්චි, තිසර පෙරේරා, නුවන් කුලසේකර, සචිත‍්‍ර සේනානායක, ලසිත් මාලිංග, චාමර කපුගෙදර, උපුල් තරංග සහ ඉසුරු උදාන පාකිස්තානු සංචිතය මොහොමඞ් හෆීස් (නායක), කාලිඞ් ලතීෆ්, අහමඞ් ශෂාඞ්, ෂොයිබ් මලික්, උමාර් අක්මල්, ශකීල් අන්සාර්, සහීඞ් අෆ්රීඩි, යසිර් අර්ෆත්, උමාර් ගුල්, සොහේල් තන්වීර්, සයීඞ් අජ්මාල්, රාසා හසන්, හරිස් සොහේල්, මොහොමඞ් සමී සහ හමාඞ් අසාම් විනිසුරුවරු අසෝක ද සිල්වා සහ රැන්මෝ මාටිනස් (ශී‍්‍ර ලංකාව)