(ක්‍රිෂාන් ජීවක ජයරුක් සහ ප්‍රියන්ත දසනායක)

මාතර සමුපකාර රෝහලට සිදු කරන දේශපාලන බලපැම් නතර කරන ලෙස ඉල්ලා එහි සේවක සේවිකාවන් අද උදෑසන සිට රාජකාරීවලින් ඉවත් වී ආරම්භ කළ උද්ඝෝෂණයක් හේතුවෙන් දැඩි උණුසුම් තත්වයක් හට ගත්තේය.

විශේෂයෙන්ම එම රෝහලේ සභාපති ධුරය සම්බන්ධයෙන් ඇති වී තිබෙන අර්බුදකාරී තත්වය පිලිබදව සාමාජික ඡන්දයෙන් පත් වු සභාපති චමින්ද ගුණසේකර මහතා ඇතුළු අධ්‍යක්‍ෂ මණ්‌ඩලය හා දකුණු පලාත් සමුපකාර කොමසාරිස්වරිය විසින් පත් කල සභාපති ඒ.ඒ.ඩී. අමින්ද මහතා ඇතුළු අධ්‍යක්‍ෂ මණ්‌ඩලය අතර පැවැත්වු සාකච්ඡාව විසදුමකින් තොරව නිමාවට පත් විය.

එම සාකච්ඡාව පැය 05 කට ආසන්න කාලයක් දකුණු පලාත් සමුපකාර කොමසාරිස්වරියගේ ප්‍රධානත්වයෙන් පැවැත්වු අතර ඊට සහභාගී වු ඇය විසින් පත් කළ සභාපතිවරයා ඇතුළු අධ්‍යක්‍ෂ මණ්ඩලයට සේවක සේවිකාවන්ගෙන් දැඩි විරෝධයක් එල්ල විය.