මැතිවරණ රාජකාරි වගකීම් පැහැර හරිමින් මැතිවරණ කොමසාරිස්වරයාගේ උපදෙස් නොපිළිගන්නා රාජ්‍ය සේවකයන්ට නඩු පැවරීමට කටයුතු කරන බව මැතිවරණ මහලේකම් කාර්යාලය පවසයි.

මෙවර මහමැතිවරණය සඳහා මාණ්ඩලික නිලධාරීන්, පරිපාලන සේවයේ නිලධාරීන්, ගුරුවරුන් සහ පොලිසිය ඇතුළු රාජ්‍ය සේවකයින් එක් ලක්ෂ 50,000 පමණ සේවයේ යෙදී සිටිති.

මැතිවරණ පනත අනුව කොමසාරිස්වරයාගේ උපදෙස් නොපිළිගන්නා රාජ්‍ය නිලධාරින්ට අවුරුදු 3ක සිර දඬුවමක් හෝ රුපියල් ලක්ෂයක දඩයක් නියම කළ හැකි බව මැතිවරණ මහලේකම් කාර්යාලය සඳහන් කරයි.