(සුජිත් හේවාජුලිගේ )

මේ මාසය ඉතා අවදානම් බවත් කොවිඩ්  මරණ 48.8% කින් ඉහළ ගොස් ඇති බවත්  කොරෝනා මර්දන  රාජ්‍ය ඇමතිනී  විශේෂඥ වෛද්‍ය සුදර්ශනී ප්‍රනාන්දුපුල්ලේ මහත්මිය පැවසුවාය.

කොවිඩ්  රෝගීන් වාර්තාවීමද සියයට 30කින් ඉහළ ගොස් ඇති බව  ඇය සඳහන් කළාය. රටේ පවතින අවදානම ජනතාව හොඳින් තේරුම් ගත යුතු බව  පැවසූ රාජ්‍ය  ඇමතිවරිය අත්‍යවශ්‍ය කාරණාවකට හැර නිවසෙන් එළියට නොයන ලෙසට   ජනතාවගෙන් ඉල්ලීමක් කරන බවද සඳහන් කළාය.

මේ මාසය ඉතා අවදානම් බවත් කොවිඩ්  මර්දනය සඳහා ඇති එකම ප්‍රතිකර්මය රෝගය  වැළඳීම වළක්වා ගැනීම බවත් ඇය පැවසුවාය.

රජය හෝ කවුරුන් හෝ නීති දානකම් බලන් නොසිට තමන් තමන් ආරක්ෂා විය යුතු බවත් අනවශ්‍ය ගමන් බිමන් සියල්ල  නවතා දමන ලෙස  ජනතාවගෙන් ඉල්ලා සිටින බවත්  ප්‍රනාන්දුපුල්ලේ මහත්මිය කීවාය. ඔබගේ පවුල ආරක්ෂා කර ගැනීමේ වගකීම තිබෙන්නේ ඔබ අතේ යැයි රාජ්‍ය ඇමැතිවරිය වැඩිදුරටත් සඳහන් කළාය.