‘‘මොරටුවේ පීඩනය නැති කරන්න, මෛත්‍රීපාල සිරිසේන ජනාධිපති කරන්න.ඉතිරි ටික අපි බලාගන්නම්. අද ධිවර කර්මාන්තෙත් නෑ. ඒ වගේම වඩු කර්මාන්තෙත් නෑ. මැද පන්තියට ඉන්නත් අමාරුයි. වැඩ කරන ජනතාවට ජීවත් වෙන්නත් අමාරුයි. මේ පාලනය අට වැනිදාට අවසන් කරනවා. මෙතෙන ඉන්න අපි සියලු දෙනාම ගිය ඡන්දේ සමහර අය සරත් ෆොන්සේකට ඡන්දේ දුන්නා මං වගේ. අනිත් අය ජනාධිපති මහින්ද රාජපක්ෂ මහතාට ඡන්දේ දුන්නා. ඒත් අද අපි ඔක්කොම මෙතැනට ඇවිල්ලා ඉන්නේ මෛත්‍රීපාල සිරිසේන මහතා ජනපති කරන්න‘‘ යැයි විපක්ෂ නායක රනිල් වික්‍රමසිංහ මහතා මොරටුවේදී පැවැති ජනරැලියක් අමතමින් පැවැසීය.

එක්සත් ජාතික පක්ෂ මොරටුව ප්‍රධාන සංවිධායක පළාත් සභා මන්ත්‍රී සේනක දමයන්ත මහතා මේ රැස්වීම සංවිධානය කර තිබිණි.

පොදු අපේක්ෂක මෛත්‍රීපාල සිරිසේන, විපක්ෂ නායක රනිල් වික්‍රමසිංහ, හිටපු ජනාධිපති චන්ද්‍රිකා බණ්ඩාරනායක කුමාරතුංග, ප්‍රජාතන්ත්‍රවාදී පක්ෂයේ නායක සරත් ෆොන්සේකා, එක්සත් ජාතික පක්ෂ පාර්ලිමේන්තු මන්ත්‍රී ආචාර්ය හර්ෂද සිල්වා, කොළඹ දිස්ත්‍රික් පාර්ලිමේන්තු මන්ත්‍රී එරාන් වික්‍රමතුංග, කොළඹ දිස්ත්‍රික් පාර්ලිමේන්තු මන්ත්‍රි රවි කරුණානායක, පාර්ලිමේන්තු මන්ත්‍රි රාජිත සේනාරත්න යන මහත්ම මහත්මීහු මේ රැළියට සහභාගී වූහ.

විපක්ෂයේ පොදු අපේක්ෂක මෛත්‍රීපා සිරිසේන මහතා

‘‘2005 මහින්ද රාජපක්ෂ මහත්තයා ජනාධිපති වුණු ආණ්ඩුව. ඔහු හදපු ආණ්ඩුවක් නොවෙයි. ඒ ආණ්ඩුව අපි හැදුවේ, 2005 ආණ්ඩුව හදන්න සහ ඔහු ජනාධිපති කරන්න පක්ෂයේ ලේකම් ලෙස මම විශාල කාර්යය භාර්යයක් ඉටු කළා. එය සාමුහික ප්‍රයත්නයක්, ‘‘