භික්ෂු විනයට නීති පනවන්න ගිහියට බැහැ

ඔබ වහන්සේගේ කතාවට මමත් එකගයි අපේ හාමුදුරුවනේ. (ර)

භික්ෂුන් වහන්සේට විනය නීති රීති පැනවිය හැක්කේ බුදුරදුන්ට පමණි. ඒ ඒ නිකායවල මහනායක හිමිවරු භික්ෂු පාලනයට සුදුසු වැඩ පිළිවෙලක් සකස් කළ යුතුයි. (ර)

බුදුන්වහන්සේගේ නියමයන් පිළිපදින්න කැමති නම් පිඩු සිඟා වඩින්න. පන්සල්වලම ඉන්න එපා. රැකී රක්ෂා කරන්න එපා. මේ වගේ අය බිහිවුණේ නිසි කල ශාසන ශුද්ධියක් නොකෙරුණ හින්දයි. ධර්මදර විනයදර භික්ෂූන් වහන්සේලාගේත් ශාසනයේත් බෞද්ධයන්ගේත් යහපත තකා දුස්ශීල මහණුන් සසුනෙන් නෙරපමු! (නි)

මේ කතාවේ ඇත්තක් තිබෙනවා, මෙවැනි නීති පනවන්නේ නම් සියලු ආගමික නායකයන්ට බලපාන පරිදි විය යුතුයි. (බ)

නීති කියන දේ බෞද්ධ භික්ෂුන්ට රජය විසින් ගෙනඒම කරනවා කියලා කවුද කියන්නේ? මම නම් හිතන්නේ මේ සෑම කථාවක්ම සාමාන්‍ය ජනයා කුලප්පු කරන ප්‍රකාශ (නි)

මෙතුමා කියන්නේ ඇත්ත .රටේ සිංහල ,දමිල ,මුස්ලිම් ඇතුළු සමස්ත ජනතාව සහ සැම ආගමක් රැකෙන්නේ භික්ෂු සාසනය රැක ගතහොත් පමණයි (බ)

එහෙමයි අපේ හාමුදුරුවනේ. (ර)

එහෙමයි කියලා හාමුදුරුවරු කරන හැම දේම බලන් ඉන්නත් බෑ. (ර)

දේශපාලකයින් රටේ දැවෙන ප්‍රශ්න වලට විසඳුම් සොයනවා වෙනුවට ආගම් වලට මැදිහත්වීමට යාමද අනවශ්‍ය වැඩකි. ජනතාව තනිවම පාරට බැස්සොත් නැවත අවුලක් වියහැක. (නි)

භික්ෂු විනයට නීතියක් තිබේනම් වඩා වටිනවා. (ර)

කෝ ඉතින් හාමුදුරුවොවත් විනය කතිකාවත් කරන්නේ නෑනේ. (ර)

සමහර පුජ්‍ය පක්ෂය තමන්ට අයිති භූමිකාව මොකද්ද කියලා දන්නේ නැත්නම් මාර්ගඵල නොලැබූ පුහුදුන් ගිහියන්ගෙන් කුමක් බලාපොරොත්තු වෙන්නද? වාහන බලපත්‍ර දුන්නාට වරදක් නැහැ, මහා කරුණාවෙන් මග යන උපාසිකාවන් එයට නංවා ගැනීම කැපයි කියලා කවුරුවත් ඊළඟට වදාරන්නේ නැත්නම්. එහෙත් එහෙම වෙන්නේ නැති නිසා තමයි අනාගතය දැක බුදුන් වහන්සේ විනය නීති රීති පැනෙව්වේ. (නි)

අපේ මහා නා හිමි වරු කෙලින් ඉන්නවනම් මේවා මෙහෙම වෙන්නේ නැහැ (බ)

අපේ හාමුදුරුවනේ ඔබවහන්සේ හරියටම හරි අපි ඔබවහන්සේට යොදබල යොදා ශක්තිය ප්‍රර්ථනා කරනවා රට ජාතිය වෙනුවෙන් කතාකරන එකට ඉතිහාසයේත් අපේ රට බේරා ගත්තේ භික්ෂුන් වහසේලා අදත් එසේම සිදුවෙති අපි සිතමු. අපේ ප්‍රශ්නයනම් හැම දෙයක්ම සිදුවෙන්නට ඉඩහැර මහා නායක ස්වාමීන් වහන්සේලා නිහඩ මොකද (බ)

මේ වගේ අය නිසා වෙන්න ඇති ඔය විනය නීති . බීගෙන රිය පැදවීම පරුෂ වචන භාවිතය. හාමුදුරුවනේ අපි හොද නම් ඕවට බයවෙන්න ඕනේ නැහැ. (බ)

නීති එපා වරප්‍රසාද දීපල්ලා (බ)

ඇත්තටම මෙය හින්ද තමයි මේ දේ පනවන්න වෙලා තියෙන්නේ , (අ)

මේ නීති ගේන්නෙ නිකාය වල මහානායක ස්වාමීන් වහන්සෙලාගේ උපදෙස් සහ අනුමැතිය ඇතුව තමයි. හොරෙන් වාහන පදවල අනතුරු සිදුකරපු චීවරධාරින් ඇයි කලබල වෙන්නෙ?(ම)

ඒ නිසාද‍ පාර්ලිමේන්තුව වටලන්න හදන්නේ? (නි)

මහාවංසය වත් කියෝලා නැතිවා වගෙයි. පැරණි රජවරු කිහිප දෙනෙක්ම නීති දාලා විතරක් නෙවි, දුසිල් මහනුන්ට හංවඩු ගහලත් තියනවා. සංඝමිත්‍රගේ කතාව කියවල බලන්න. වැඩි දෙයක් එපා, පොළොන්නරුවේ කතිකාවත ගැනවත් දන්නේ නැද්ද? නිකම් මෝඩ ගිහියන්ව රවටන්න ලෑස්ති වෙන්න එපා හාමුදුරුවනේ. අද සංඝ සාසනේ හොඳටම පිරිහිලා. දුසිල් මහනුන් එලවා දමන්න ක්‍රමයක් තිබිය යුතුයි! (බ)

සංඝ සමාජයේ සමහරුන් සිවුරේ පිහිටෙන් කරන නොමනා දේවල් ගිහි සමාජය ඉවසුවා හොඳටම ඇති. නීතියෙන් පාලනය නොකළොත් වැඩි කාලයක් නොයා අත පය උස්සන් එන සමහර හාමුදුරුවරුන්ට ඒ විදිහටම සලකන්න ගිහියන්ට වෙනවා කියන එක මේ යන විදිහට අනිවාර්යයි (බ)

අපේ පන්සලේ හාමුදුරු දෙනමටනම් මේ පනතේ කිසිම වගන්තියක් බලපාන්නේ නැත.උන්නාන්සේලා බුද්ධ නිතිය අනුව කටයුතු කරති.මෙය බලපාන්නේ බුද්ධ නීතියෙන් පිට පැන්න අයටයි. (බ)

කතෝලික ආගමේ පාස්ටර්ල කියල කව්රුත් නැහැ .නොදන්නා දේ ගැන වලිගෙ පාගාගෙන කියවන්න එපා (බ)

නීතිය කාටත් එක හා සමාන විය යුතුයි (බ)

රොනී පොළොන්නරුවේ කතිකාවත දැන් අපිට නියමෙට පේනවා. අවුරුද්දක් තිස්සේ දැක්ක ලස්සන කියල නිම කරන්න බැහැ. ඒ උනත් ඌ අපේ මිනිහෙක්. (බ)

අනේ අපි දන්නෙ නැහැ ඕවා (නි)

අපේ හාමුදුරුවරු අද කරන විනය විරෝදී කටයුතු දිහා කල්පනා කරලා බලනකොට මේ නීති ක්‍රියාත්මක කිරීම කාලෝචිත සහ බුදු දහමේ ඉදිරි පැවැත්ම ඉතාම අවශ්‍ය දෙයක්. ස්වාමින්වහන්සේලා අද හිතු හිතු කරනවා. උදේ ඉඳන් හවස් වෙනකන් දේශපාලන පක්ෂ වලට කඩේ යනවා. මාද්‍ය සාකච්චා පවත්වල අරයට මෙයට චෝදනා කර කර ඉන්නවා. භික්ෂුන්වහන්සේලගේ කාර්ය භාරය මිනිසුන්ට ධර්මය කියාදෙමින් යහමගට ගැනීමට කටයුතු යෙදීම පමණක් විය යුතුය. (බ)

අතීතයේ කතිකාවත් කළේ මහා පැරකුම් වැනි ත්‍රිපිටකය කුඩා කල පටන් අධ්‍යයනය කළ රජවරු. නමුත් අද? (නි)

සිවුරට මුවා වී දේශපාලනයේ නිරත සියළුම භික්ෂූන් සසුනට නොගැළපෙන බව මගේ විශ්වාසයයි. වත්මන් භික්ෂු සංස්ථාවේ පිරීහීමට දායක වූ අයට එම පාපයෙන් කිසිදා මිදිය නොහැක. බෞද්ධ භික්ෂුව තුළ තිබිය යුතු ශික්ෂාකාමී බව සංවර බව විනාශ කර ජාත්‍යන්තරයට භික්ෂුවකගේ ස්වරූපය පිළිබඳ සාවද්‍ය මතයක් ඇතිවන ලෙස කටයුතු කරන ඇතැම් සංවිධාන බුදු සසුන මෙන්ම බුදු දහමද විනාශ කිරීමට අන්‍ය ආගමිකයින්ට වඩා දායකවන බව සඳහන් කරමි. භික්ෂුවක් තුළින් වෛරයත් අසංවර බවත් ප්‍රකට වේ නම් ඒ බෞද්ධ භික්ෂුවක් නොව භික්ෂු ප්‍රතිරූපකයෙක් වේ. (නි)

එතකොට වෙනම පොලිසියක් පත්කළේ පසුගිය ආණ්ඩුවෙන්. එතකොට ඇයි නිහඬව හිටියේ? (නි)

නිර්භීතව කතාකරන සංඝයා වන්සේලා මෙරටට සම්පතකි. (නි)

අපේ පන්සලේ හාමුදුරුන්ට නම් මේ පනතේ කිසිම වගන්තියක් බලපාන්නේ නැත. උන්නාන්සේලා බුද්ධ නීතිය අනුව කටයුතු කරති. මෙය බලපාන්නේ බුද්ධ නීතියෙන් පිටපැන්න අයටයි. (නි)

කවුරුහරි කමක් නැහැ මේක ඉක්මණින් කළයුතුයි (නි)

අනේ සංසාරේ! (නි)

රොනී සමඟ මමත් ඉන්නවා. දුස්ශීල මහණුන් පන්නමු. අපි නමස්කාර කරන්නේ බුදුන්වහන්සේ දේශනා කළ ධර්මයටයි. බුදුන්ගේ ධර්මයට ගරුකරන, පිළිපදින සංගයා වහන්සේලාට මිසක් චණ්ඩින්ට,කම්සැප සොයන්නන්ට නොවෙයි. අපේ පන්සලෙත් ඔය කියන යන්තර මන්තර කරන, වශී කරන, හූනියම් කරන හාමුදුරු කෙනෙක් හිටියා. ගමේ කට්ටිය එකතුවෙලා ගහලාම පැන්නුවා. (නි)

ථෙරවාදී බුදු දහමක් ඇති අපේ රටේ භික්ෂුන් වහන්සේලා බුදුරදුන් පනවා ඇති විනය නීති හොඳින් දන්නවා ඇති බව නොරහසකි. නමුත් විනය කටයුතු කෙරෙන බවක් නොපෙනෙන නිසා ගිහියන්ට මැදිහත්වීමට සිදුවී ඇත (නි)

ඔබ වහන්සේට මාගේ නමස්කාරය! (නි)

එහෙනම් ඔබවහන්සේලා මේ ගැන සුදුස්සක් නොකරන්නේ ඇයි? (නි)

ගිහියා කරනතෙක්ම බලාසිටියේ ඇයි? (නි)

ඔක්කොම දේසපාලන හස්තයෝ බවට පත් වෙලා. ලංකාවේ කිසිම ආගමකට සාමය කඩාකප්පල් වෙන ලෙස හැසිරීම තහනම් කල යුතුයි. මෙය හැම ආගමකටම පොදුවිය යුතුයි. (ර)

නමුත් ගිහියන් කරන්න ඕනෑ වැඩ භික්ෂූන් කරන එකත් වැරදියි නේද? (නි)

නීති පනවනවට විරුද්ධ හාමුදුරුවරු නීති කඩනවට නම් කිසිම විරුද්ධතාවයක් පෙන්වන්නේ නැහැ. (නි)

කතාව ඇත්ත. අතීතයේ ඉඳන්ම සමහරු දත කනවා. ඒ ඒ අය දන්නවා අතීතයේ ඉඳන් එහෙට මෙහෙට වැනෙන කොන්ද සැරින් සැරේ කෙලින් කරේ හාමුදුරුවරු කියලා. (ර)

හාමුදුරුවරු දේශපාලනය කරනකොට ගිහියන් හාමුදුරුවන්ගේ කාර්යය කිරීම නොවැළැක්විය හැක. දෙගොල්ලොම තමන්ට අයිති වැඩේ කරනවා නම් මේ ප්‍රශ්න උද්ගතවන්නේ නැත (නි)