ඉන්දීය රුපියල් කෝටි 600කට වඩා උපයා ගනිමින් ඉන්දීය සිනමා ඉතිහාසයේ වාර්තා රැසක් තිබූ රාජුමෞලීගේ "බාහුබලී" චිත්‍රපටයේ දෙවැන්න තිරගත වන දිනය පසුගියදා ප්‍රකාශයට පත් කරනු ලැබීය. ඒ අනුව %බාහුබලී^ දෙවැනි චිත්‍රපටය ලබන වසරේ අප්‍රේල් 28 වැනිදා ඉන්දියාවට සමගාමීව ලොවපුරා ප්‍රදර්ශන කිරීමට නියමිතව ඇත.

පළමු චිත්‍රපටයේ රඟපෑ බොහෝ නළු නිළියන් මෙම චිත්‍රපටයටද එක්ව සිටින අතර, පළමු චිත්‍රපටයේ ප්‍රධාන චරිත රඟපෑ ප්‍රභාස්, තමන්නා, අනුෂ්කා ෂෙට්ටි සහ රාණා රගුබති මෙහි සුපුරුදු පරිදි එම චරිතවලට එක්ව සිටිති. එමෙන්ම පළමු චිත්‍රපටය නිර්මාණය කිරීමේදී ඉන්දීය රුපියල් කෝටි 256ක මුදලක් වියදම් වුවද එහි දෙවැන්න සඳහා මෙතෙක් වියදම්ව තිබෙන මුදල ඉන්දීය රුපියල් කෝටි 201ක මුදලක් බව වාර්තා වේ.