(ඩී.කේ.රත්න)

බස් රථයකින් ගමන් කරමින් සිටියදී හදිසියේ මියගිය පුද්ගලයෙකු ලඟ තිබී ගංජා කිලෝග්‍රෑම් එකක් අද (18) සොයා ගත් බව තණමල්විල පොලිසිය පැවසීය.

වේලිඔය සිට තණමල්විල දක්වා ධාවනයවෙමින් තිබූ තණමල්විල ඩිපෝවට අයත් ලංගම බස් රථයක ගමන් කරමින් සිටි පුද්ගලයෙකු හදිසියේම බස් රථය තුළදීම මියගොස් තිබෙන අතර ඔහු ලඟ තිබූ ගමන් මල්ලක් සෝදිසි කිරීමේදී මෙම ගංජා තොගය සොයා ගෙන ඇත.

තිස්සමහරාම බෙරලිහෙල කුඩාගම්මාන හතර පදිංචි අවුරුදු 44 ක පුද්ගලයෙකු මෙසේ බස් රථය තුළදීම හදිසියේම මියගොස් තිබේ.

මියගිය පුද්ගලයාගේ මෘත දේහය මේ වන විට තණමල්විල මූලික රෝහලේ මෘත ශරීරාගාරයේ තැන්පත් කර ඇති බව තණමල්විල පොලිසිය පැවසීය.