පොදු විපක්ෂයේ කිරුළපන මැයි රැලියට ගෙන්වා ගැනීම සඳහා බලපිටිය ප්‍රාදේශීය සභාවේ හිටපු මන්ත්‍රීන් පිරිසකට හිටපු ඇමැති බැසිල් රාජපක්ෂ මහතා රුපියල් ලක්ෂ 10 බැගින් දුන්නැයි කියන කථාව ඔප්පු කළහොත් තමන් දේශපාලනයෙන් ඉවත් වන බව බලපිටිය ප්‍රාදේශීය සභාවේ හිටපු සභාපති සුනිල් විජේරත්න, හිටපු උප සභාපති සමන් ද සිල්වා ඇතුළු හිටපු මන්ත්‍රීවරු අට දෙනෙක් පැවසූහ.

මේ අභියෝගය ඔවුන් බාරදුන්නේ තමන්ට එසේ මුදල් දුන් බවට සජින් ද වාස් ගුණවර්ධන හිටපු මන්ත්‍රීවරයා සිය ෆේස්බුක් ගිණුමෙන් චෝදනා කිරීම සම්බන්ධයෙන් පිළිතුරු දීමට පැවැත්වූ මාධ්‍ය හමුවකදීය.

තම අභියෝගය බාරගෙන එසේ ඔප්පු නොකළහොත් සජින් වාස් මන්ත්‍රීවරයා ද දේශපාලනයෙන් ඉල්ලා අස්විය යුතු බව ඔවුහු කියති.