ශ්‍රී ලංකාවේ සතියක සංචාරයක් සදහා පැමිණි බෙල්ජියම් ජාතික යාකොබ් ලෙනාඩ් (15) පිරිමි දරුවා පේරාදෙණිය ගෙලිඔය දුම්රියපොළ අතර දුම්රිය මැදිරියෙන් බිමට විසිවී  බරපතල තුවාල ලබා මහනුවර මහා රෝහලේ 74 වාට්ටුවේ දැඩිසත්කාර එකකයේ  ප්‍රතිකාර ලබන බව පේරාදෙණිය පොලසිය කියයි.

දරුවාගේ මව වන බාබරා අන්තෝනියෝ (52) පැවසූයේ දුම්රිය ධාවනයට පෙර බෙල්ජියමේ සියලු දොරවල් වසා තබන බවත් එහෙත් මෙම දුම්රියේ දොරවල් වසා නොතබා දුම්රිය ධාවන වූ බවයි.

දුම්රියේ අන්තිම පෙට්ටියට ඉදිරිපස පෙට්ටියේ දෙවැනි පන්තියේ  වෙන්කරන ලද ආසනවල ඔවුන් පැමිණ ඇති අතර තුවාල කරු පාපුවරුවේ වාඩි වී ගමන් කර ඇති බව ඇගේ මව ප්‍රකාශ කල බව පේරාදෙණිය පොලිසිය සදහන් කරයි.