කොරෝනා වෛරසය ආසාදනයෙන් බ්‍රිතාන්‍යයේ සිදුවූ මරණ සංඛ්‍යාව මේ වන විට 12,107 ක් බවට පත්ව තිබේ.

ඊයේ දිනයේ වාර්තා වූ මරණ 778 ක් සමඟ මෙසේ මුළු සංඛ්‍යාව 12,000 ඉක්මවනු ලැබීය.

එරට සෞඛ්‍ය දෙපාර්තමේන්තුව අද පැවසුවේ වෛරසය සම්බන්ධයෙන් පරීක්ෂණවලට ලක්කළ පුද්ගලයින් 302,599 දෙනෙකු  අතරින් පුද්ගලයින් 93,873 දෙනෙකුට වෛරසය ආසාදිත බවට තහවුරු වී ඇති බවයි.

මේ අතර එංගලන්තයේ සහ වේල්සයේ සිදුවන මරණ පහෙන් එකකට වැඩි සංඛ්‍යාවක් කොරෝනා වෛරසය හේතුවෙන් සිදුවන බව සංඛ්‍යාලේඛන මගින් පෙන්වා දී ඇත.

අප්‍රේල් 3 වැනිදායින් අවසන් වූ සතියේදී මරණ සහතික 3,475 ක මරණයට හේතුව කොරෝනා වෛරසය ලෙස සඳහන් වී ඇතැයි ජාතික සංඛ්‍යාලේඛන දත්ත කාර්යාලය පවසයි.

ශීත සෘතුව අවසන් වන විට මරණ සංඛ්‍යාව අඩුවනු ඇතැයි අපේක්ෂා කෙරේ.

උණ රෝගී තත්ත්වය පැතිරීම අවම වීම ඊට හේතුවයි.

(බීබීසී ඇසුරෙනි)

-226-