(අංජුල මහික වීරරත්න)

ජනාධිපති රනිල් වික්‍රමසිංහ මහතාගේ නායකත්වය යටතේ ශ්‍රී ලංකාව ප්‍රජාතන්ත්‍රවාදී මෙන්ම තිරසර සංවර්ධන අරමුණු ජය ගනු ඇතැයි තමා විශ්වාස කරන බව එක්සත් ජාතීන්ගේ හිටපු මහ ලේකම් ගෝලීය හරිත වර්ධක ආයතනයේ සභාපති බෑන් කී මූන් මහතා පැවසීය.

වර්තමානයේ ශ්‍රී ලංකාවේ සිටින්නේ පරිණත, බුද්ධිමත් නායකයෙක් බවද බැන්කි මූන් මහතා කීය.

 කොළඹ හිල්ටන් හෝටලයේ පැවති “හරිත වර්ධන මාවතකට ශ්‍රී ලංකාව ගෙන යාම වේගවත් කිරීම සඳහා වූ උපාය මාර්ග සහ ක්‍රියාමාර්ග පිළිබඳ ඉහළ පෙළේ සාකච්ඡාවට එක්වෙමින් බැන්කි මූන් මහතා මෙි බව පැවසීය.

"මම එක්සත් ජාතීන්ගේ සංවිධානයේ මහ ලේකම්වරයා ලෙස මීට වසර හය හමාරකට පෙර ශ්‍රී ලංකාවට පැමිණියා . එදා ලංකාවේ තිබුණු තත්ත්වය සහ අද තිබෙන තත්ත්වය අතර විශාල වෙනසක් පවතිනවා. එය ආර්ථික, දේශපාලන හා සමාජයීය වෙනසක් යනුවෙන් ද බැන්කි මූන් මහතා පැවසීය.