(සුජිත් හේවාජුලිගේ )

පේෂකර්ම දෙපාර්තමේන්තුව 2021 වර්ෂයේදී මිලදී ගත් රුපියල් කෝටි දෙකකට වැඩි වටිනා අත් යන්ත්‍ර  කට්ටල 220ක් සහ  වයින්ඩින් යන්ත්‍ර 195ක් 2022 වර්ෂය වනවිටත්  කිසිදු ප්‍රයෝජනයකට ගෙන නොතිබූ බව ජාතික විගණන කාර්යාලය නිකුත් කළ අලුත්ම වාර්තාවක සඳහන් වේ.

මෙම යන්ත්‍ර මිලදී ගෙන ඇතැයි පැවසෙන්නේ  අත් යන්ත්‍ර පේෂ කර්මාන්තය ග්‍රාමීය මට්ටමින් ව්‍යාප්ත කර ග්‍රාමීය ව්‍යවසායකයන් බිහිකිරීමේ අරමුණ මත ක්‍රියාත්මක අත්‍යන්තර පේෂ කර්මාන්ත ගම්මාන ව්‍යාපෘතිය වෙනුවෙන් බවද  එම වාර්තාවේ දැක්වේ.

මේ අතර පේෂකර්ම පුහුණු ආයතන 14ක පරිපාලනය වෙනුවෙන් රුපියල් මිලියන 3.835ක් වැය කර තිබුණද  පුහුණු සිසුන් ප්‍රමාණවත් පරිදි  බිහි නොවීම සම්බන්ධයෙන් කළමනාකාරිත්වයේ අවධානය යොමුව නොතිබූ බව එම වාර්තාවේ දැක්වේ.