ආබාධිත හමුදා සාමාජිකයන්ගේ විරෝධතා පාගමනක් වළක්වන නියෝගයක් නිකුත් කරන ලෙස කොටුව පොලිසිය අද කළ ඉල්ලීමක් කොළඹ කොටුව මහේස්ත්‍රාත් ලංකා ජයරත්න මෙනවිය ප්‍රතික්ෂේප කළාය.

ඔවුන් පෙළපාළියෙන් ජනාධිපති ලේකම් කාර්යාලයය අසලින් යෑමට නියමිත නිසා ඉන් මහජන පීඩනයක් ඇති විය හැකි බව පොලිසිය අධිකරණයට දැන්වීය.

එවැනි මහජන පීඩාවක් ඇති වුවහොත් පොලිස් ආඥා පනත යටතේ සහ මංමාවත් පනත යටතේ අවශ්‍ය පියවර ගැනීමට පොලිසියට බලය ඇතැයි කී මහේස්ත්‍රාත්වරිය පොලිසිය ඉල්ලීම ප්‍රතික්ෂේප කළාය.