එන් කේ ඉලංගකෝන් මහතා විශ්‍රාම ගැනීමෙන් පුරප්පාඩු වූ පොලිස්පති තනතුරට සුදුස්සකු තෝරා ගැනීම සඳහා ව්‍යවස්ථා දායක මණ්ඩලය 18 වැනි දා පාර්ලිමේන්තුවේ දී රැස්වීමට නියමිතය.

ජ්‍යෙෂ්ඨත්වයේ අනුපිළිවෙළ අනුව ජනාධිපති ආරක්ෂක අංශයේ ජ්‍යෙෂ්ඨ නියෝජ්‍ය පොලිස්පති එස් එම් වික්‍රමසිංහ, බස්නාහිර පළාත භාර නියෝජ්‍ය පොලිස්පති පූජිත ජයසුන්දර සහ දකුණු පළාත භාර ජ්‍යෙෂ්ඨ නියෝජ්‍ය පොලිස්පති චන්දන වික්‍රමරත්න මහත්වරුන් 18 වැනි දා ව්‍යවස්ථා දායක සභාව හමුවට කැඳවනු ඇතැයි දැනගන්නට තිබේ.

ජ්‍යෙෂ්ඨත්වය එක් සාදකයක් බවත්, සුදුසුකම්, මීට පෙර එල්ලී වී ඇති චෝදනා ආදිය ගැන ද සොයා බලන බව එහි ප්‍රකාශකයෙක් කීවේය.

ව්‍යවස්ථාදායක සභාව තීරණය ජනපතිට යැවූ පසු ජනපති විසින් නව පොලිස්පති පත් කිරීමට නියමිතය.