දෙමළ ජාතික සන්ධාන පාර්ලිමේන්තු මන්ත‍්‍රී ජෝෂප් පරරාජසිංහමි ඝාතනය සම්බන්ධයෙන් අත්අඩංගුවට ගෙන බන්ධනාගාර ගතකර සිටින නැගෙනහිර හිටපු මහ ඇමති සිවනේසතුරෙයි චන්ද්‍රකාන්ත් හෙවත් පිල්ලයාන් විසින් ඇප අයෙදුම් කරමින් මඩකලපුව මහාධිකරණය වෙත ගොනුකර තිබූ පෙත්සම විනිසුරු වී.චන්ද්‍රමනි මහත්මිය විසින් අද 02 වනදා ප‍්‍රතික්ෂේප කළාය.

ත‍්‍රස්තවාදය වැළැක්වීමේ පනත යටතේ අත්අඩංගුවට ගෙන රක්‍ෂිත බන්ධනාගාර ගතකර සිටින සැකකරුවෙකුට ඇප ලබා දීමේ බලයක් මහාධිකරණයට නොමැති බව කියමින් මඩකලපුව මහාධිකරණ විනිසුරුවරිය පිල්ලයාන්ගේ ඇප අයෙදුම ප‍්‍රතික්ෂේප කළාය

කෙසේ වෙතත් පිල්ලයාන්ට ඇප අයෙදුම් කරමින් ශ්‍රේෂ්ඨාධිකරණයේ පෙත්සමක් ගොනු කරන බවද තමිල් මක්කල් විඩුදලෙයි පුලිගල් පක්‍ෂය සදහන් කරයි.

2005 වසරේ දෙසැමිබර් 25වන දින මඩකලපුව ශුද්ධ වූ මරියා දෙවි මැදුරේ පැවති නත්තල් දේවමෙහෙයේදී පරරාජසිංහම් මහතා වෙඩිතබා ඝාතනය කිරීමේ සිද්ධිය සම්බන්ධයෙන් පිල්ලයාන් ඇතුළු සැකකරුවන් සිවි දෙනෙකු අපරාධ පරීක්‍ෂණ දෙපාර්තුමේන්තුව විසින් අත්අඩංගුවට ගෙන අධිකරණය වෙත ඉදිරිපත් කිරීමෙන් පසු රක්‍ෂිත බන්ධනාගාර ගතකර සිටිති