පලෙයි දුම්රියපොළෙන් පලක් නැතිලු

මීට වසර දෙකකට පෙර විවෘත කරන ලද යාපනය පලෙයි දුම්රිය ස්ථානය අද වන විට කිසිදු පහසුකමක් නොමැතිව මගීන්ට අපහසුතා රැසකට මුහුණ දීමට සිදුව ඇති බවට ප්‍රදේශවාසී ජනතාව කියා සිටිති.

යාපනයේ සිටි හො කොළඹ සිට පැමිණෙන දුම්රියට ඇතුල්වීමට හෝ දුම්රියෙන් බැසීමට යාමේදී දුම්රිය ස්ථානයේ කිසිදු ආලෝකයක් නොමැති වීම නිසා පසුගිය දිනයන්හි මගීන් කිහිප දෙනෙකුම අනතුරුවලට මුහුණ පෑ බවට පලෙයි වැසියෝ කියති.

මීට සතියකට පෙර පලෙයි දුම්රි ස්ථානයේදී යාපනයේ සිට කොළඹටු ගමන් කළ දුම්රියකට ගොඩ වීමට පලෙයි දුම්රිය ස්ථානයෙන් උත්සහ ගත් මගියෙකුට ආලෝකය නොමැති වීමෙන් වැටී දුම්රියේ ගැටීමෙන් කොන්ද කැඩුණු බව ද අවට වැසියෝ කියති.

එමෙන්ම රාත්‍රියට පලෙයි දුම්රිය ස්ථානයේ තරුණයින් විසින් මත්පැන් පානය කරන බවටත් මත්පැන් පානය කරන තරුණයින්ගෙන් මගීනටද හිරිහැර සිදු වන බවටත් මෙතෙක් එම ක්‍රියාවන් නැවත්වීමට බලධාරීන් කටයුතු කර නොමැති අතර දුම්රිය ස්ථානයට නිසියාකාරව ආලෝකයක් සැපයීමටද බලධාරීන් පියවර නොගැනීමෙන් තමන් දැඩි සේ අපහසු තාවයන්ට මුහුණ දෙන බවට ප්‍රදේශ වාසී ජනතාව කියා සිටියහ.

මේ පිළිබඳව පලෙයි දුම්රිය ස්ථානයේ නිලධාරීන්ගෙන් විමසූ විට නම කීමට නොහැකි යැයි කියූ නිලධාරියෙකු කියා සිටියේ

“මේ දුම්රිය ස්ථානය විවෘත කරල අවුරුදු දෙකක් වුනාට මේ වෙන කොට දුම්රිය ස්ථානයේ සවි කරලා තිබුනු හොඳ විදුලි බුබුලු සියල්ලක්ම හොරු ගලවන් ගිහින් දැන් දාල තියෙන්නේ ලෝකල් විදුලි බුබුලු ඒවා සතියක්වත් තියෙන් නැහැ පිච්චෙනවා ඉතිං අපි මේ ගැන දුම්රිය දෙපාර්තමේන්තුවේ ඉහලම නිලධාරීන්ට පවා ලිඛිතව දැනුම් දීලා තියනවා මේ වෙනකම් කිසිම පිළිතුරක් නැහැ”

යනුවෙනි.

අදහස් (0)

පලෙයි දුම්රියපොළෙන් පලක් නැතිලු

ලන්කපුත Wednesday, 10 February 2016 09:14 AM

අනේ කරුණාකරලා ලංකාවේතියෙනඅනෙක්දුම්රියස්ථාන වලඡායාරූප සමග සංසන්දනය කරලා බලනවද?(කෞ)

: 0 0

සකුනි Wednesday, 10 February 2016 09:27 AM

මහජනතාවගේ මුදල් යොදවා ගොඩ නගපු මෙවැනි ස්ථාන ආරක්ෂා කිරීම සැමගේ යුතුකමකි.(ම)

: 0 0

සිල්වා Wednesday, 10 February 2016 11:47 AM

උතුරු පළාත් සභාවේ වගකීම් හරියට ඉටු කරන්න ජාතිවාදය අවුස්සමින් ජනතාව මුලා නොකර. ජනතා දේපල රැක ගැනීම අපි කාගේත් වගකීමක්. (බ)

: 0 0

විජිත් Wednesday, 10 February 2016 11:58 AM

මටනම් පෙනෙන්නේ මෙතන තියෙන්නේ තාක්ෂණය හා සම්බන්ධ ගැටළුවක්. විදුලි ආලෝකය මඳකම පළමුවෙනි ප්‍රශ්නයයි.මේ දුම්රිය ස්ථානය අවට ආලෝකමත් කිරීමට අඩි 60 කට වඩා උසින් විදුලි කණු 4 පිහිටුවා ඒවාට වොට් 2000 ආලෝක පුවරු 8ක් සවි කළොත් ඒ ප්‍රශ්නය විසඳෙනවා.හොරුන්ට අතවත් තියන්න බැහැ. දුම්රිය අංගනයේ සහ දුම්රියස්ථානය අවට අඩි 20 ක උසින් සි සි ටි වී ජාලයක් හදන්න. ( මෙයට රුපියල් ලක්ෂයක් යාවි වැඩිම වුනොත්.)චණ්ඩින්ට හොරුන්ට කුඩු කාරයන්ට ආයේ මෙහෙ ඉන්න බැරිවේවි.මොකද හැමදාම පොලිසියෙන් පැමිණ සිසිටිවී වල සටහන් අයව හඳුනා ගනීවි.(බ)

: 0 0

ආසික් Thursday, 11 February 2016 09:43 AM

වව්නියාවෙන් උඩට ස්ටේෂන් සේරම දැනටමත් කෝච්චියේ කම්නයට පුපුරලා. ඉන්දියන් එවුන්ගෙ බාල වැඩ. (බ)

: 0 0

නන්දලාල් ප්‍රංශය Wednesday, 10 February 2016 12:11 PM

ඕකත් ඉතින් "සුබ අනාගතයක්" කට්ටියගේ වැඩක් නේ !. හදන්නන් වාලේ හැදුවට පස්සේ වෙන දේවල් ගැන හිතල නෙවි නේ ඕව කරේ ? උතුරු පළාත් සභාවේ ප්‍රවාහන ඇමතිට බැරිනම් මහා ඇමතිට වත් බැරිද මේ ගැන සොයාබලා විසදුමක් කරන්න ? එහෙමත් බැරිනම් උතුරු පළාත් සභාව විසුරුවාහැර, එහි පාලනය මධ්‍යම රජය යටතට ගන්න එක නේ ඇත්තේ ? ප්‍රශ්නයක් තියේ නම් එයට විසදුමකුත් තියෙනවා !(අ)

: 0 0

මාගලි ෆොන්සේකා Wednesday, 10 February 2016 12:18 PM

මෙතන කියන්නේ සේරම බාගෙට හදල කියල විදුලිය නෑ පසහුකම් නෑ කියලා (බ)

: 0 0

සරත් Wednesday, 10 February 2016 12:39 PM

කොපමණ ගුණ කළත් දුදනෝ නොවෙති යහපත් (බ)

: 0 0

දීපාල් නිරෝෂ් Wednesday, 10 February 2016 12:44 PM

සංවර්ධනය කෙසේ වෙතත් නඩත්තුව වත් කරගෙන යන්න බැරී යහපාලනයක් වගේ මේක? සංචාරය කරපු සේයිද් හුසේන් මේවා දැක්කේ නැද්ද? (බ)

: 0 0

නිහාල් Wednesday, 10 February 2016 08:18 AM

උතුරු පළාත් සභාවේ ප්‍රවාහන ඇමති කෙනෙක් හිටියට එයාගේ රාජකාරිය දෙමල ඩයස් පෝරාවේ දේවල් කරන්නනේ. (බ)

: 0 0

සංජීව - හොරණ Wednesday, 10 February 2016 08:21 AM

මගීන්ට ඕන කුදයක් ගහගන්න කියලා ඔය හෝල් එකෙත් පුලුවන් හැටියට වී ටිකක්වත් ගබඩා කරන්න බලමුද (බ)

: 0 0

අමා Wednesday, 10 February 2016 08:42 AM

හදල දුන්නු දේ රැක ගන්න බැරි යහ පාලනයක් මේක (බ)

: 0 0

සමන් Wednesday, 10 February 2016 02:32 PM

මාගලි ෆොන්සේකා,ඔයාට සිංහල කියවන්න පුලුවන්ද.? මෙතන තියෙන්නේ විදුලි බුබුළු හොරකම් කරලා, ඒවාට මාරු කරපු ඒවා ඉක්මනින් දැවියනවා කියලයි. එහෙම නැතිව විදුලිය නැතිබවක් කියලා නැහැ. පනින්න පෙර කියවලා බලන්න. (ර)

: 0 0

හෆීල් Wednesday, 10 February 2016 08:56 AM

මහා ඇමති විග්නේස්වරන් එ් තුල දෙමළ ජාතික සන්ධානයේ මන්ත්‍රීවරු මේ ගැන බලන්නේ නැද්ද? (හේ)

: 0 0