පොල්තෙල් වර්ගය - මිල නැත්නම් සීල් තියනවා

ඔව් ඔව් මෙරටේ නිශ්පාදනය කරන හැම දේකම මොනවා හරි විස වර්ගයක් තියෙනවා... කියද්දී අපි කොහොමද අලුත් දෙයක් හදලා රටට සේවයක් කරන්නේ කියලා තේරුම් ගන්න බැහැ...!

පොල්තෙල්වල වර්ගය කියන්නේ? පොල්තෙල්, කුන්දිරා තෙල්, තැඹිලි තෙල්, කොප්පරා තෙල්... වගේද?

ඉස්සර නම් සෙක්කුව සහ ගොනා බ්‍රෑන්ඩ් එක යටතේ තමයි පොල්තෙල් හින්දේ. ඒවායේ නම් ඇල්ෆාටොක්සින් තිබුණාද? නැද්ද? කියලා කවුරුවත් හොයන්න ගියේත් නැහැ. පොල්තෙල්වලින් ටිකක් මුඩු ගඳ එනකොට, ඒවා බුදු පහන පත්තු කරන්න ගත්තා මිසක් එක්ස්පයරි ඩේට් එකක් තිබුනේත් නැහැ. පොල්තෙල් හිඳීමේ අතුරු ඵලයක් වන පොල් පුන්නක්කුත් හරකුන්ට දියකරලා දුන්නා. ඒ හා සමාන ප්‍රමාණයක් කඩ වලට එන ළමයින් කෑවා. ඕනෑම ළමයෙක් කඩේට ගියාම මුලින්ම කරන්නේ පුන්නක්කු ගෝනියෙන් කෑල්ලක් අරං කටේ දාගන්න එකයි. ඒවායින් නරකක් නපුරක් වුන බවක් නම් අහලා නැහැ...