Fast and Furious යනු ලොව පුරා බොහෝ දෙනෙකුගේ ආකර්ෂණය දිනාගත් ඉතාමත් ජනප්‍රිය චිත්‍රපට මාලාවක්.

මීට වසර කිහිපයකට පෙර හදිසි අනතුරකින් මියගිය මෙම චිත්‍රපට මාලාවේ සුපිරි වීරයා වූ ‍ පෝල් වෝකර් නොමැතිවම එහි නවතම චිත්‍රපටය වන Fast and Furious 8 චිත්‍රපටයේ වැඩ කටයුතු මේ වනවිට ආරම්භ වී හමාරයි.

මෙම චිත්‍රපටයේ පළමු වැනි දර්ශනය රූගත කිරීම කියුබාවේදී ආරම්භ වී තිබෙනවා.

චිත්‍රපටයට අදාළ සියලු දෙනා එම අවස්ථාවට සහභාගි වූ නමුත් පෝල් වෝකර්ගේ අඩුව කැපී පෙනෙන්නට වුණා. කෙසේ වෙතත් පෝල්ව අමතක නොකර වින් ඩීසල් ඇතුළු මේ කණ්ඩායම මීට පෙර සුපිරි වීරයා සිහිපත් කරමින් චිත්‍රපටයේ වැඩ ආරම්භ කළ බවයි විදෙස් මාධ්‍ය පවසන්නේ.

ඒ මොහොත බොහෝ දෙනෙකුට ඉතා සංවේදී මොහොතක් වූ බවත් Fast and Furious 8 චිත්‍රපටයේ නිෂ්පාදනය හොඳින් ඉටු කිරීමෙන් පෝල් වෝකර්ද සතුටට පත් වේ යැයි සැනසුම් සුසුමක් හෙළමින් චිත්‍රපටයේ නිෂ්පාදන කණ්ඩායම පැවසූ බවත් විදෙස් මාධ්‍ය තවදුරටත් වාර්තා කරනවා.